Muxuu ka yiri Guardiola guushii ay xalay kaga soo heleen Real Madrid garoonka Santiago Bernabéu?

Manchester City ayaa guul soo laabasho ah ka soo gaartay Real Madrid kulanka lugta hore wareega 16-ka ee tartanka UEFA Champions League, kaddib markii ay kaga soo adkaatay 1-2.

Haddaba macalinka reer Spain ee Pep Guardiola ayaa kaddib ciyaarta wuxuu shaaca ka qaaday:

“Uma arko wali inaan wax go’aaminay, haddii ay jiraan koox awood u leh in ay natiijada ciyaarta dib uga soo laabato, waa Real Madrid”.

“Real Madrid waxay ku guuleysatay inay dhaliso gool, intii aan ugu fiicneyn ciyaarta, kaddib waxaan dhalinay goolal markii ay iyagu fiicnaayeen”.

“Waxaan abuurnay fursado badan oo goolka hortiisa ah, laakiin Thibaut Courtois wuxuu ahaa mid cajiib ah, ugu dambeyntii waxaan gaarnay natiijo aad u wanaagsan anagoo dhaliyay laba gool”.

“Sheekadu wali ma dhamaan, waxaana u bixi doonaa in Man City aan ku soo garaacno garoonkooda” – Zidane

Tababaraha kooxda kubadda cagta Real Madrid ee Zinedine Zidane ayaa xaqiijiyay in Los Blancos aysan wali ka harin tartanka UEFA Champions League, inkastoo ay guuldarro ku soo gaartay garoonkooda Santiago Bernabéu.

Manchester City ayaa guul soo laabasho ah ka soo gaartay Real Madrid kulanka lugta hore wareega 16-ka ee tartanka UEFA Champions League, kaddib markii ay kaga soo adkaatay 1-2.

Macalinka reer France ee Zinedine Zidane ayaa ciyaarta kaddib wuxuu la hadlay warbaahinta wuxuuna yiri:

“Waxaa jirta xaalad kacsanaan oo qolka labiska ah, laakiin waxaa jirta 90 daqiiqo oo lagu ciyaarayo garoonka City, xitaa haddii aan guuleysan lahayn, sidaas ayaan sheegi lahaa”.

“Waxaan sameynay wixii aan awoodnay waxaana dhalinay gool, laakiin waxay awoodeen inay ku jawaabaan labo gool 10 daqiiqo gudahood.”

“Ceyrinta Ramos? Hagaag, tani waa kubadda cagta, suurtogal ma ahan in la beddelo wixii dhacay, waxaa muhiim ah inaan fiirino waxyaabaha fiican, inkastoo aysan badneyn inay dhacaan natiijooyin sidan oo kale ah.”

“Waxaan ciyaarnay kulan weyn marka laga reebo rubuc saaca ugu dambeeyay, hadda waa inaan halkaas aadnaa oo aan ku guuleysanaa, haddii aan dooneyno inaan u gudubno wareega xiga.”

“Waxaan u guuldarreysanay qaladaad qaar awgood, waxayna qayb ka yihiin kubadda cagta, ciyaartoydu inta awoodooda ah waxay ku soo bandhigeen gudaha garoonka, laakiin diirad saarida ayaa naga maqneyd daqiiqado yar gudahood”.

Fernandes, Minamino, Pablo Mari & Heshiis waliba oo Kooxaha waa weyn ee Premier League ay ka sameeyeen suuqa kala iibsiga bisha Janaayo

Suuqa kala iibsiga ee bisha Janaayo ayaa si lama filaan ah u xirmay xalay saqdii dhexe, iyadoo kooxaha ugu waa weyn Premier League ay saxiixyo sameeyeen xilli kuwa kalena ay ka fasaxeen Kooxahooda.

Waxa aynu idin soo gudbin doonaa xiddigaha k usoo biiray ama ka baxay kooxaha ugu waa weyn ee Premier League, waxaa jira kooxo aan sameynin saxiixyo lagu qanci karo ama ay ku farxi karaan taageerayaashooda.

Halkaan ka aqriso xiddigaha ku soo biiray ama ka baxay Kooxaha waa weyn ee Premier League:-

Xiddigaha ku soo biiray Arsenal: Pablo Mari (Flamengo, amaah), Cedric Soares (Southampton, amaah)

Xiddigaha ka baxay Arsenal: Emile Smith Rowe (Huddersfield, amaah), Tyreece John-Jules (Lincoln, amaah), James Olayinka (Northampton, amaah), Ben Sheaf (Doncaster, amaah), Konstantinos Mavropanos (Nurnberg, amaah), Deyan Iliev (Jagiellonia Bialystok , amaah).

Xiddigaha ku soo biiray Liverpool: Takumi Minamino (RB Salzburg, 7.25 milyan oo gini), Joe Hardy (Brentford, aan wali la shaacin qiimihiisa).

Xiddigaha ka baxay Liverpool: Herbie Kane (Hull, Amaah), Rhian Brewster (Swansea, Amaah), Allan Rodrigues De Souza (Atletico Mineiro, aan wali la shaacin), Nathaniel Phillips (Stuttgart, amaah), Isaac Christie-Davies (Cercle Brugge, amaah).

Xiddigaha ku soo biiray Man Utd: Bruno Fernandes (Sporting Lisbon, heshiis aan si rasmi ah loo shaacin qiimihiisa), Nathan Bishop (Southend, aan la shaacin), Odion Ighalo (Shanghai Shenhua, amaah).

Xiddigaha ka baxay Man Utd: Ethan Hamilton (Bolton, amaah), Ashley Young (Inter Milan, 1.3 milyan oo gini), George Tanner (Salford, amaah), Cameron Borthwick-Jackson (Oldham, amaah), Marcos Rojo (Estudiantes, amaah)

Xiddigaha ku soo biiray Manchester City:  Ma jiro wax xiddig ah oo ku soo biiray.

Xiddigaha ka baxay Manchester City: Patrick Roberts (Middlesbrough, amaah), Lukas Nmecha (Middlesbrough, amaah), Ian Poveda (Leeds, aan la shaacin), Angelino (RB Leipzig, amaah), Matt Smith (Charlton, amaah), Henri Ogunby (Burnley, oo aan la shaacin).

Xiddigaha ku soo biiray Chelsea: Ma jiro wax xiddig ah oo ku soo biiray.

Xidigaha ka baxay Chelsea: Danny Drinkwater (Aston Villa, amaah ), Marc Guehi (Swansea amaah), Conor Gallagher (Swansea, amaah), Jamal Blackman (Bristol Rovers, amaah), Victor Moses (Inter Milan, amaah), Tariq Lamptey (Brighton, qiime aan la shaacin).

Xiddigaha ku soo biiray Tottenham: Gedson Fernandes (Benfica, amaah), Giovani Lo Celso (Real Betis, 27.2 milyan oo gini), Steven Bergwijn (PSV Eindhoven, 25 milyan oo gini).

Xiddiga ka baxay Tottenham: Jack Clarke (QPR, amaah), Christian Eriksen (Inter Milan, 17 milyan oo gini), Kyle Walker-Peters (Southampton, amaah), Cameron Carter-Vickers (Luton, amaah), Danny Rose (Newcastle, amaah), TJ Eyoma (Lincoln, amaah), Anthony Georgiou (Bolton, amaah), Kazaiah Sterling (Leyton Orient, amaah), Paris Maghoma (Brentford, aan la shaacin), Shilow Tracey (Macclesfield, amaah), Tashan Oakley-Boothe (Stoke, qiime aan la shaacin).

Halkan ka akhriso waraarkii ugu danbeeyey ee suuqa kala iibsiga oo xaley xidhmey.

(wardeeq news ) sports today..

gudbin doonaa liiska ciyaartoyda saxiixooda la dhameystiray maanta iyo xalay ee suuqa kala iibsiga Ingariiska.

Soo booqo bogaan mar walba si aad u heshay liiskii ugu danbeeyay iyo xiddigaha lala wareegay.

Alex Iwobi ayaa ka tagay Arsenal isagoo heshiis 40 milyan ginni ah ugu wareegay kooxda Everton, Waxa uu Everton u saxiixay heshiis shan sannadood ah.

David Luiz ayaa heshiis 8 milyan ginni ah uga tagay Chelsea kuna biiray kooxda Arsenal oo uu qandaraas labo sannadood ah u saxiixay.

Tottenham ayaa ugu danbeyn soo xerogelisay xiddiga khadka dhexe Giovani Lo Celso oo ay amaah hal xilli ciyaareed ah kala soo wareegeen Real Betis, waxaana ay xagaaga danbe ku iibsan karaan 55 milyan ginni.

Danny Drinkwater ayaa heshiis amaah lix bilood ah uga tagay kooxda Chelsea waxaana uu ku biiray kooxda Burnley

Kieran Tierney ayaa si rasmi ah ugu biiray kooxda Arsenal isagoo heshiis 25 milyan ginni uga soo wareegay kooxda Celtic.

Romelu Lukaku ayaa heshiis 73 milyan ginni uga tagay kooxda Manchester United waxaana weeraryahanka reer Belgium uu si rasmi ah ugu biiray kooxda Inter Milan

Man City ayaa xaqiijisay inay amaah kula soo wareegeen goolhayaha 34 jirka ah ee kooxda Derby Scott Carson kaasoo noqon doona goolhayaha seddexaad ee kooxda ka dib Bravo iyo Ederson.

Leicester City ayaa dhameystirtay saxiixa Dennis Praet oo ay 18 milyan ginni uga soo iibsadeen kooxda Sampdoria. Xiddiga khadka dhexe waxa uu saxiixay qandaraas shan sannadood ah.

Algeria oo ku guuleystey koobkii qaarada afrika iyo senegal oo hungowdey.

Jully 19 2019 hasan kaafi abdirahmaan

Algeria ayaa hal gool ku qaaday koobka qaramada afrika kaasi oo yimid daqiiqaddii 2-aad ee biloowga ciyaarta , xilli goolkaasna uu ku yimid halka fursad kaliya ee ay Algeria heshay qeybtaas hore ee ciyaarta.

Qeybtii hore waxaa badnaa qaladaadka  is buurasho xilli saaxibada Mane ay maamulka kubadda ku badnaayeen waxa ayna gaarayeen heer dhan %62 balse waxaa loo diiday in dadaalkaas u turjumaan goolal .

Qeybta labaad Senagal waddo waliba ayay u martay in ay keenaan gooka bar bar dhaca waqti hore waxaana daqiiqaddii 62-aad uu garsooraha uu u dhigay rigoore  balse markii uu dib uu eegat VAR waa uu ka laabtay go`aankiisa .

Algeria waxa ay qeybta labaad ciyaareysay kubad rogaal celis ah xilli  daafac ahaan ay wacnaayeen , waxaana xusid mudan  in saaixbada Mane ay mudnaayeen in ay natiijada wax ka  badalaan marka la eego hanaanka ciyaareedkooda oo aad u wacnaa

Waa markii labaad ee taariikhda ee ay Algeria ku guuleysanayaan koobka qaramada afrika iyadoo markii ugu horeeysay ee ay qaadaan ay aheyd sanadkii 1990-kii

Wararkii udanbeeyey ee suuqa kala iibsiga ha udaymo laan

kula xafiiltanto koxoda Arsenal saxiixa weeraryahanka Crystal Palace Wilfried Zaha, kaasoo shalay kooxdiisa weydiistay inay iibiyaan xagaagan. (London Evening Standard)

Wakiilka Mino Raioa ayaa shaki geliyay maanta suurtogalnimada uu Paul Pogba ku bixi karo xagaagan isagoo soo jeediyay inay macquul tahay inuu iska sii joogo Manchester United, (Manchester Evening News)

Tababaraha Manchester City Pep Guardiola ayaa sheegay inuusan ogeyn haddii Manchester City ay ciyaartoy kale la soo wareegi doonto inta uu furan yahay suuqa kala iibsiga. (Manchester Evening News)

Tababare Frank Lampard ayaa sheegay inuu doonayo in daafaca Kurt Zouma uu baaqi ku sii ahaado Chelsea xilli ciyaareedka soo socda inkastoo Everton ay xiiseyneysay inay heshiis joogta ah kula wareegto. (Sky Sports)

Weeraryahanka Manchester United Romelu Lukaku ayaan ciyaari doonin kulanka berri oo Sabti ah ay kooxda la ciyaareyso Inter Milan iyadoo mustaqbalkiisa Old Trafford uu weli shaki ku jiro. (Sky Sports)

Arsenal ayaa goordhow la filayaa inay ku dhawaaqdo saxiixa 23 jirka weerarka ka ciyaara ee kooxda Gremio iyo xulka Brazil Everton Soares kaasoo tijaabada caafimaadka ku maray dalkiisa waxaana uu Emirates ku imaanayaa heshiis ku dhow 40 milyan euro. (Marca)

Goolhayaha kooxda Paris Saint-Germain Kevin Trapp ayaa ku dhow inuu heshiis 6 milyan euro ugu wareego kooxda FC Porto. (L’Equipe)

Kooxda Juventus ayaa heshiis 33 milyan euro ah la gaartay kooxda Roma oo ku aadan iibka weeraryahankeeda Gonzalo Higuain. Roma waxa ay xiddigaan marka hore kula wareegeysaa heshiis amaah ah iyadoo bixineysa lix milyan euro, ka dib waxay ku qasban yihiin inay ku iibsadaan 27 milyan euro. (Marca)

Kooxda Atletico Madrid ayaa u calaamadeysatay xiddiga khadka dhexe ee Tottenham Christian Eriksen xiddig u dhigma James Rodriguez haddii Real Madrid ay diido inay ka iibiso xiddiga reer Colombia. (Marc

Halkan ka daalaco waraarkii ugu danbeeyey ee suuqa kala iibsiga.

the sun

Inter Milan ayaa u muuqata mid ka cagajiideysa inay 75 milyan ginni ka bixiso weeraryahanka Manchester United Romelu Lukaku taasoo ka dhigeysa mustaqbalka weeraryahanka mid aan la hubin islamarkaana ka careysiineysa tababare Antonio Conte oo si weyn u doonayay xiddiga reer Belgium.

Gudoomiyaha kooxda Tottenham Daniel Levy ayaa diidan inuu bixiyo 60ka milyan ginni ee ay Real Betis duldhigtay xiddigeeda khadka dhexe Giovani Lo Celso.

Daafaca Faransiiska Laurent Koscielny ayaa diyaar u ah inuu talaabo dhanka sharciga ah ka qaado Arsenal ka dib markii loo sheegay inuu boqolkiiba 50 dhimo mushaharkiisa.

Manchester United ayaa la sheegayaa inay dalab gaaraya 62 milyan ginni ka gudbisay weeraryahanka Arsenal Pierre-Emerick Aubameyang sida ay sheegayaan warar Talyaaniga ka imaanaya.

Kooxda Jarmalka ee RB Leipzig ayaa ugu cadcad tartan loogu jiro xiddigah Chelsea Ethan Ampadu oo ay ku doonayaan amaah hal xilli ciyaareed ah.

hasan kaafi abdirahmaan .

Xulka Qaranka Algeria Oo Guul Qurux Badan Ka Gaadhay Xulka Kenya

wardeeq news Xulka qaranka Algeria ayaa si qurux badan ku bilowday koobka qaarada Africa iyaga oo guul ayna ku dhibtoon ka gaadhay xulka Qaranka Kenya kulan ka tirsanaa Group-ka C ee koobka qaarada Africa.somgool

Xulka Algeria ayaa ahaa kuw guud ahaan iyo gaar ahaanba maamulayay ciyaarta iyaga oo ka qaab ciyaareed fiicnaa xulka Kenya oo qaadayay weeraro rogaal celis ah oo aan midho dhalin lahayn.

Kadib dadaal badan oo ay sameeyeen waliba sameeyeen fursado fiican oo ay doonayeen in ay goolasha ciyaarta ku furaan xulka qaranka Alegria ayaa ugu dambayn shabaqa taabtay.

Daqiiqadii 34-aad ayaa xulka Algeria loo dhigay rikoodhe iyaga oo uu gool u badalay xiddiga weerarka uga ciyaara ee Baghdad Bounedjah kaas oo hogaanka u dhiibay xulka qarankiisa.

Xulka Kenya ayaa isku dayay in ay ku soo laabtaan ciyaarta iyaga oo qaaday weeraro rogaal celis ah laakiin waxa u suurtagali wayday in ay wax gool ah u badalaan fursadihii ay helayaan.

Ka Hor dhamaadkii qaybtii hore ee ciyaarta ayuu Xulka qaranka Algeria sii dheeraystay hogaanka ciyaarta iyaga oo dhaliyay goolka 2-aad siina dheeraystay hogaanka ciyaarta.

Daqiiqadii 43-aad ayuu Riyad Mahrez xulka Algeria u dheereeyay hogaanka isaga oo ciyaarta ka dhigay 2/0 uu xulka Algeria si raaxo leh ugu hogaaminayo ciyaarta.

Waxa sidaas ku dhamaatay qaybtii hore ee ciyaarta oo uu xulka Algeria dhaliyay 2/0 laakiin xulka Kenya Laftiisu helay fursado laakiin aan wax gool ah u badalin.

Qaybtii dambe ee ciyaarta ayayna waxba iska badalin natiijada laakiin labada xul ayaa helay fursado fiican oo goolal laga dhalin karay.

Waxa sidaas ku dhamaatay ciyaarta oo uu xulka qaranka Algeria guul ay u qalmeen ka gaadhay xulka qaranka Kenya si fiicana ugu bilowdeen tartanka Koobka Africa.

somgool.com

https://youtu.be/t9F7Ybk13Ac

 

Kylian Mbappe Oo Da’da 20 Jir Sida Ciyaartoy Weyn Ugu Xisaabtamaya & SADDEX Shuruudood Oo Uu Hordhigay PSG Haddii Ay Doonayaan Inuusan Real Madrid U Wareegin.

Kylian Mbappe ayaa ah kaliya 20 sano jir balse haatanba gaadhay waxyaabo aysan ciyaartoyda qaar gaadhin waayahooda ciyaareed oo dhan.

Mbappe ayaa kusoo guuleystay koobkii aduunka ee 2018 isaga oo afar gool kasoo dhaliyay tartankaas isaga oo sidoo kale saddex jeer oo xidhiidh ah kusoo guuleystay horyaalka France ee Ligue 1.

Mbappe ayaa xilli ciyaareedkan wacdarro kusoo dhigay PSG waxaana uu 46 gool kusoo dhaliyay 56 kulan xilli ciyaareedkan hadana sidaas oo ay tahay  maaha ciyaartoyga ugu muhiimsan wali Paris.

Neymar oo Paris Saint-Germain ku jooga €222 Milyan ayaa wali ah hoggaanka kooxda walow uu Mbappe kaga awood batay dhinaca garoonka dhexdiisa haata.

Si kastaba, Mbappe ayaa haatan u xisaabtamaya sidii ciyaartoy da’ ahaan weyn isaga oo ak fikiraya mustaqbalkiisa isla markaana saddex qoddob oo waaweyn hordhigay PSG si ay uga ceshadaan Real Madrid oo doonaysa.

Sida laga soo xigtay wariye Duncan Castles oo ka hawl gala Sunday Times, Mbappe ayaa doonaya in laga dheelsiiyo booska weeraryahanka dhexe, Laga dhigo midka tuuraya rigoorayaasha sidoo kalena iyo waliba inay kooxdu ku ciyaarto shaxda 4-4-2.

Castles ayaa yidhi “Mbappe waxa uu aaminsan yahay inuu dhaafay Neymar marka ay noqoto muhiim ka ahaanshaha PSG, Wuxuu doonayaa in loo balan qaado inuu u ciyaaro ka weeraryahan dhexe ahaan isaga oo ka horreynaya Cavani iyo Neymar kaas oo aan inta badan isagu halkaas ka ciyaarin, Booskaas naftiisa ayuu u doonayaa”

“Waxa uu doonayaa inuu qaato rigoorayaasha, Waxa uu ku dhawaa inuu ku guuleysto kabta dahabka ah xilli ciyaareedkii hore waxa uu dareensan yahay haddii loo ogolaan lahaa inuu ku qaato rigoorayaasha uu ku guuleysan lahaa abaalmarintaas”

“Sidoo kale waxa uu doonayaa inuu la bedelo shaxda PSG waxa uu doonayaa inuu u ciyaaro ka lambar 9 ahaan shaxda 4-4-2”

wardeeqnews.com

Ronaldo Mise Messi? Da’yarka Real Madrid Ee Da’yarka kooxda Real Madrid ee Vinicius Junior oo waraysi siinayay ‘FoxSports

Da’yarka kooxda Real Madrid ee Vinicius Junior oo waraysi siinayay ‘FoxSports’ ayaa la weydiiyay inuu kala doorto xiddigaha ugu wacan dunida kubadda cagta ee Cristiano Ronaldo iyo Lionel Messi midkii uu jeclaan lahaa inuu la ciyaaro.

Da’yarkan oo aan labadaas xiddig midna garoon la gelin ayaa bixiyay jawaab gabi ahaanba ka baxsan labadaas xiddig isaga oo sheegay inuu dooran lahaa weeraryahanka kooxdiisa ee Karim Benzema oo isaga caawimo lasoo garab istaagay.

Tan iyo imaatinkiisii Santiago Bernabeu, Vinicius ayaa saaxiibtinimo garoonka dhexdiisa iyo banaankiisaba ah lasoo samaystay Benzema isaga oo talo macalinimo ka helayay markasta.

Intaa kaddib Vinicius ayaa amaanay kabtanka Barcelona ee Lionel Messi oo uu ku sifeeyay mid kamida kuwa ugu wanaagsan taariikhda kubadda cagta.

Da’yarkan oo su’aashaas ka jawaabaya ayaa yidhi “Way adagtahay, Anigu waligay lamaan ciyaarin midkoodna, Ma garanayo, Waligay midkoodna lama ciyaarin sidaas darteed ma garanayo, Waxaan dooran lahaa Benzema markasta wuu igu caawiyaa garoonka dhexdiisa”

Intaa kaddib Vinicius oo amaanaya Messi ayaa markale yidhi “Isagu waa mid cajiib ah, Qofkasta wuu ogyahay inuu yahay mid kamida kuwa ugu fiican taariikhda”

Ugu dambayntii Vinicius ayaa sheegay in kulamada ay kooxdiisu Barcelona la ciyaarayso ay kuwa kale uga duwan yihiin kahor intii uusan saxaafada u sheegin in Neymar uu yahay shaqsiga uu ku daydo.

 

wardeeqnews.com