Sunday, June 13, 2021

Nala Soo Xidhiidh

Idaacadda Wardeeq

Home Warar-ka Dad badan oo ku dhintay duqayn ay Israel ka gaysatay Marinka Gaza

Dad badan oo ku dhintay duqayn ay Israel ka gaysatay Marinka Gaza

Ugu yaraan labaatan qof oo reer Falastiin ah ayaa ku dhintay duqayn culus oo diyaaradaha dagaalka Israel ay xalay ka gaysteen Magaalada Gaza, oo Ururka Xamaas uu ka arrimiyo.

Diyaaradaha Israel ayaa duqayntan ka gaystay Marinka Gaza, ka dib markii xoogaga wax iska caabinta ee Falastiiniyiinta ay gantaalo ku tuureen goobo u dhow Magaalada Qudus.

Taliska Militariga Israel ayaa sheegay inay qaadeen weeraro xagga cirka ah, oo ay ku beegsadeen kooxo hubeysan, meelaha gantaalada laga soo tuuray iyo saldhig ciidan oo ku yaala Marinka Gaza.

Ra’iisal Wasaaraha Israel, Benjamin Netanyahu ayaa sheegay in weerarada dhanka cirka ay diyaaradahooda ka gaysteen Gaza ay jawaab u yihiin gantaalaha laga soo tuuray Gaza.

Ra’iisal Wasaaraha ayaa sheegay in xoogaga Falastiniyiinta ay ka soo gudbeen waxa uu ugu yeeray ‘Khadka cas’.

Benjamin Netanyahu ayaa Warsaxaafadeed ku sheegay in boqol iyo konton gantaal oo laga soo tuuray Marinka Gaza ay ku soo dhaceen gudaha Israel.

Gantaalada Falastiiniyiinta iyo weerarada xagga cirka ee Israel ayaa socday illaa xilli dambe oo habeenkii xalay ahaa.

Wasaaradda Caafimaadka ee Maamulka Falastiin ayaa sheegtay in labaatanka qof ee duqaynta ku geeriyooday, ay sagaal ka mida carruur yihiin, shan iyo lixdan kalena ay duqayntaasi ku dhaawacantay.

Mareykanka, Midowga Yurub iyo Britain ayaa ku baaqay in si deg-deg ah loo joojiyo rabshadaha ka soo cusboonaaday Qudus, Gaza iyo deegaanada kale Daanta Galbeed.

RELATED ARTICLES

Booliska Gobolka Bari oo Fagaaro ku gubay Khamri farabadan

Ciidamada Booliiska Gobalka Bari ayaa maanta meel fagaare ah ku gubay dhalooyin ay ku jiraan maandooriyaha Khamriga oo horay ciidamada ay howlgal ku qabteen. Maxkamadda...

Puntland oo sheegtay in howlgal lagu lagu qabtay Saraakiil ka tirsan Al-Shabaab

Guddoomiyaha Gobolka Mudug ee maamulka puntland Cabdiladiif Muuse Nuur (Sanyare ) ayaa sheegay in howlgal Ciidamada amaanka ay ka sameeyeen Magaalada Gaalkacyo lagu soo...

Duulimaadyadii Soomaaliya & Kenya oo dib u bilaawday

Kadib markii muddo bil ah ay hakad kujireen duulimaadyada Soomaaliya iyo Kenya, kaas oo sabab u ahaa khilaafka labada dowladood ayaa Maanta oo Axad...

Facebook Feed

Twitter Feed