Friday, April 23, 2021

Nala Soo Xidhiidh

Idaacadda Wardeeq

Home Warar-ka Dunida DAD SHACAB AH OO SI ARXAN DARRO AH LOOGU LAAYAY DALKA MOZAMBIQUE.

DAD SHACAB AH OO SI ARXAN DARRO AH LOOGU LAAYAY DALKA MOZAMBIQUE.

Tobaneeyo qof ayaa dhimatay ka dib markii weerar lagu soo qaaday magaalada Palma ee waqooyiga dalka Mozambique, sida uu sheegay afhayeen u hadlay wasaaradda gaashaandhiga dalkaasi.

Ilaa 7 qof oo dadkaasi ka mid ah ayaa la dilay xilli ay isku dayayeen inay ka baxsadaan goob Huteel ah oo ay ku go’doonsanaayeen.

Boqollaal qof oo kale oo isugu jira ajaaniib iyo dadka deegaanka ayaa sidoo kale wararka sheegayaan in la soo badbaadiyo. Magaalada Palma ayaa tan iyo Arbacadii waxaa weerar ku hayay kooxo mintidiin ah oo halkaasi ka dagaalama.

Ma cadda tiradda rasmiga iyo khasaaraha ka dhashay weerarkaasi lagu qaaday magaalada Palma, ee ku taalla gobolka Cabo Delgado. Magaalada iyo xeebtaba waxaa tuurnaa meydad ” qaarkood madaxa ayay ka go’naayeen”, sida uu sheegay Col Lionel Dyke, oo shirkadiisa dhanka ammaanka ay booliiska Mozambique u xilsaareen sugidda ammaanka aagaasi. Wararka ayaa sheegaya in kooxdan ay la wareegeen magaalada Palma, balse wararkani ma aha kuwa la xaqiijin karo maadaama isgaadhsiinta ay goobtaasi ka go’an tahay. Arbacadii markii ay kooxdani mintidka ah ay weerarka soo qaadeen waxay bartilmaameedsadeen dukaamda, bangiyada iyo saldhigyada militari.

Waqooyiga Mozambique ayaa tan iyo sanaddii 2017 waxay ahayd goob ay kooxo islaamiyiin ah weeraro ka wadeen.

By:Jim’ale ismail







RELATED ARTICLES

Khubarada deegaanka ayaa sheegaya in soo jeedinta cimilada ee AMLO ay dib ugu celinayso

Soo-jeedimaha uu Madaxweyne López Obrador ku soo bandhigay Khamiistii Shirweynihii Hoggaamiyeyaasha toddobaadkan ee Cimilada ma ahan kuwo halis ah, oo ku saleysan fikrad ka...

Aqoonyahan Hindi Mareykan ah ayaa ka codsaday Mareykanka in loo diro AstraZeneca Jabs Hindiya

Tirada infakshanka maalinlaha ah ee waddanka ayaa gaadhay meeshii ugu sarraysay, iyada oo in ka badan laba lakh COVID-19 xaaladood la duubay maalin kasta...

Sida looga takhaluso dufanka uurku jirta: Cabitaannada sonkorta leh waxay kordhiyaan xaddiga dufanka caloosha ee aad sidato

Baruurta visceral waxaa badanaa loo yaqaanaa dufanka caloosha, waxayna u egtahay inay ku duubmaan xubnahaaga gudaha. Waxaa loo tixgeliyaa inay tahay dhibaato caafimaad oo...

Facebook Feed

Twitter Feed