Thursday, May 6, 2021

Nala Soo Xidhiidh

Idaacadda Wardeeq

Home Warar-ka Ergeyga ka socda Qatar oo Maanta kulamo la yeelanaya DFS iyo Mucaaradka

Ergeyga ka socda Qatar oo Maanta kulamo la yeelanaya DFS iyo Mucaaradka

Ergeyga Gaarka ah ee Wasaaradda Arrimaha Dibadda Qatar u qaabilsan dhex dhexaadinta xalinta khilaafaadka Dr. Mutlaq Al-Qahtani oo shalay soo gaaray Muqdisho ayaa Maanta kulamo la yeelanaya xubno ka tirsan dowladda iyo Musharaxiinta.

Dr Al-Qahtani ayaa kulanka ugu horreeya la qaadan doona Midowga Musharaxiinta oo ka dhici doona Hotelka Decale, iyagoona ka wada hadlay xaaladihii ugu dambeeyay ee siyaasadda dalka iyo khilaafka ka taagan qabsoomida doorashooyinka.

Sidoo kale Ergeyga ka socda dowladda Qatar ayaa kulamo kale la yeelanaya Mas’uuliyiin ka tirsan dowladda Federaalka iyo Madaxweyneyaasha dowlad Goboleedyada Hirshabeelle iyo Galmudug, isla markaana ka arrinsanaya xaaladda Cakiran ee taagan.

Dowladda Qatar ayaa dooneysa inay Beesha Caalamka iyo siyaasiyiinta Soomaalida u muujiso in aysan taageero u heyn Madaxweynaha muddo xileedkiisa dhamaaday Maxamed Cabdullaahi Farmaajo, loona arko inay dhex dhexaad tahay.

Dr. Mutlaq Al-Qahtani Ergeyga Gaarka ah ee Wasaaradda Arrimaha Dibadda Qatar u qaabilsan dhex dhexaadinta xalinta khilaafaadka ayaa shalay soo gaaray Caasimadda dalka, isagoona kulan la qaatay Wasiiru dowlaha Arrimaha Dibadda Xukuumadda xilgaarsiinta Balal Maxamed Cusmaan,.

Kulanka ayaa intii lagu gudo-jiray looga hadlay siyaabaha lagu taageeri karo Xukuumadda Federaalka si ay u gudato waajibkeeda qaran ee u saldhiggidda nabadda iyo deganaanshaha guud ahaan Soomaaliya iyo u gogol xaaridda doorashooyinka madaxtinimo iyo midka Baarlamaaniga.

RELATED ARTICLES

Xubin ka tirsanaa Xisbiga Dan Qaran oo Muqdisho lagu dilay

Kooxo hubeysan ayaa degmada Wadajir ee Gobolkan Banaadir waxaa ay ku dileen Xubin ka tirsanaa Xisbiga Dan Qaran oo uu hoggamiyaha ka yahay Musharax...

Madaxweynaha Koonfur Galbeed oo Guddi u saaray dilkii Carruurta

Madaxweynaha Dowlad Goboleedka Koonfur Galbeed C/casiis Xasan Maxamed Laftagareen ayaa magacaabay Guddiga baaris kumeel gaar ah oo natiijo dhab ah ka keena kiiska Carruurtii...

Al-Shabaab Oo Weerar Ku Qaaday Saldhig Ay Ku Sugnaayeen Ciidamo

Dagaal u dhexeeyay Ciidanka Itoobiya ee qeybta ka howlgal Ciidanka AMISOM iyo Al-shabaab ayaa waxaa uu xalay ka dhacay degmada Xudur ee Xarunta Gobolka...

Facebook Feed

Twitter Feed