Friday, April 23, 2021

Nala Soo Xidhiidh

Idaacadda Wardeeq

Home Arrimaha Bulshada JABUUTI Oo Heshay Tallaalka Coronavirus

JABUUTI Oo Heshay Tallaalka Coronavirus

Wasaaradda Caafimaadka ee dalka Jabuuti ayaa sheegtay in tallaalkii ugu horreeyey oo lagaga hortagayo coronavirus uu shalay gaadhay Jamhuuriyadda Jabuuti.

Tallaalkan oo uu qofka laba mar qaadan doono ayay wasaaraddu sheegtay in lagu billaabayo shaqaalaha caafimaadka ee halista ugu jira qaaditaanka cudurkaasi iyo bukaannada kale ee u nugul inay cudurka qaadaan oo ah dadka la nool cudurrada kale isla markaana da’doodu ay ka weyntahay 50 jir .

Talllaalkan ayay dowladda Jabuuti ka soo iibsatay dalka Shiinaha .

Wasiirka caafimaadka Jabuuti Maxamed Warsame Diiriye, ayaa BBC-da u sheegay in Jabuuti ay aad u sugeysay tallaalka.

“Tallaalkan waan sugeynay, intan waa intii ugu horreysay oo lagu howlgeli doono oo lagu bilaabi doono dadka aad ugu sii baahan oo ah dadka ka shaqeeya wasaaradda caafimaadka, iyo dadka da’da ah,” ayuu yidhi.

Wasiirka ayaa sheegay in xidhmooyinka haatan soo gaadhay ay yihiin kuwo lagu sii bilaabayo dadka aadka ugu baahan, isla markaan bishan dhexdeeda ay sugayaan ilaa 300,000 oo xidhmo ah oo ay dowladda Jabuuti ka soo iibsatay Shiinaha.

Jabuuti ayaa qorsheyneysa in la tallaalo 715,000 oo qof.

Wuxuu wasiirku intaas ku daray in sidoo kale dalkaas uu soo gaadhay tallaalka bilaashka ah ee ay heleen qara ka mid ah dalalka Afrika.

Jabuuti ayaa sheegtay in xilligan ayna dalkaas ka jirin khatar sare oo xanuunka ah, isla markaana la xakameynayo.

Waxay ka mid noqoneysaa dalalka ku yaalla Afrika ee helay tallaalka coronavirus. dalalka Kenya iyo Rwanda ayaa iyaguna ay soo gaadhay xidhmooyinkii ugu horreeyay ee tallaalka xanuunka.







RELATED ARTICLES

Khubarada deegaanka ayaa sheegaya in soo jeedinta cimilada ee AMLO ay dib ugu celinayso

Soo-jeedimaha uu Madaxweyne López Obrador ku soo bandhigay Khamiistii Shirweynihii Hoggaamiyeyaasha toddobaadkan ee Cimilada ma ahan kuwo halis ah, oo ku saleysan fikrad ka...

Aqoonyahan Hindi Mareykan ah ayaa ka codsaday Mareykanka in loo diro AstraZeneca Jabs Hindiya

Tirada infakshanka maalinlaha ah ee waddanka ayaa gaadhay meeshii ugu sarraysay, iyada oo in ka badan laba lakh COVID-19 xaaladood la duubay maalin kasta...

Sida looga takhaluso dufanka uurku jirta: Cabitaannada sonkorta leh waxay kordhiyaan xaddiga dufanka caloosha ee aad sidato

Baruurta visceral waxaa badanaa loo yaqaanaa dufanka caloosha, waxayna u egtahay inay ku duubmaan xubnahaaga gudaha. Waxaa loo tixgeliyaa inay tahay dhibaato caafimaad oo...

Facebook Feed

Twitter Feed