Friday, June 18, 2021

Nala Soo Xidhiidh

Idaacadda Wardeeq

Home Warar-ka UK oo Ciiddamo Khaas ah u soo direysa Soomaaliya

UK oo Ciiddamo Khaas ah u soo direysa Soomaaliya

250 ka tirsan Ciiddanka Khaaska ee UK ayaa loo soo diri doonaa Somalia, si ay Ciiddanka Dowladda Federalka iyo kuwa AMISOM taageero uga siiyaan La-dagaalanka Alshabaab.

Wargeyska Express ee ka soo baxa London waxa uu cadadkiisa shalay oo Axad ahayd qoray Xog ku aadan in Ciiddankaasi loo soo daabuli doono gudaha Somalia 12-ka bilood ee soo socota.

Arrintan ayaa timid dhowr bilood kadib, markii la asaasay Guutada Hawlgalka Khaaska “ The  Special Operation Brigade”, oo uu ku dhawaaqay Taliyihii hore ee Ciiddanka Cirka ee Khaaska UK ee Special Air Service (SAS) , Jeneral Mark Carleton-Smith oo haatan madax ka ah Ciiddanka Britain.

Jeneral Mark Carleton-Smith waxa uu qorshihiisa ku soo bandhigay  Golaha Atlantic “The Atlantic Council” oo ah Urur aan Xisbina ka tirsanayn, wuxuuna xusay inuu doonayo in 12-ka bilood ee soo socota ku dhiso Guutada Koowad ee Ciiddanka Rangers-ka.

“Waxaan doonayaan inaan arko, iyagoo loo daad-gureeyo Bariga Africa si ay u taageeraan La-hawlgalayaasheenna Bariga Afrika” ayuu yiri Jeneral Mark Carleton-Smith, inkastoouusan sheegin halka Ciiddankaasi loo diri doono iyo muddada inta ay la eg tahay.

Balse, Ilo-wareedyo ayaa waxay habeen hore xaqiijiyeen in Ciiddankaasi saldhigooda noqon doono Somalia, si ay Ciiddanka Khaaska ee Somalia ugu tababaraan Xeelladaha Dagaalka ay kula jiraan Dagaalamayaasha Alshabaab.

“Dadkeena waxay bedeli doonaan Ciiddanka Khaaska Maraykanka ee tababari jirey Ciiddanka Dowladda Somalia” ayaa lagu yiri Xogtaasi oo uu Wargeyska Express soo xigtay.

Si kastaba ha ahatee, Shaacinta goobta ugu horeysa ee  ay Ciiddanka Rangerska UK ka fulin doonaan Hawlgalkooda Koowad ee Somalia ayaa la rajeynayaan in lagu dhawaaqo Shirweynaha Hoggaamiyayaasha  dalalka G 7 ay bisha soo socota ee June 11-da ilaa 13-da ku yeelan doonaan Gacan-biyoodka Carbis Bay ee Gobalka Cornwall ee dalka Britain.

RELATED ARTICLES

Aqriso;- Shan arrimood oo uu ballan-qaaday Cabdikariim Axmed Mooge – Maayirka cusub ee Hargeysa

Xildhibaanada golaha deegaanka ee degmada Hargeysa ayaa shalay ugu dambeyntii Maayirka caasimada u doortay Cabdikariin Axmed Mooge oo ka tirsan xisbiga mucaaradka Wadani, xilkaas...

Tirada;- Gabdhaha Soomaalida ee lagu la’yahay Nairobi oo korortay iyo wararkii ugu dambeeyay

Xildhibaan Aadan Barre Ducaale ayaa ka hadlay gabdhaha Soomaalida ah ee lagu la’yahay magaalada Nairobi ee dalka Kenya, kuwaasi oo qaarkooda lacag badan oo...

Koox- wadada Maka Al-Mukarama ka billaabay dhac ku cusub Muqdisho

Waxaa maalmihii ugu dambeeyay soo badanayey dhaca dadka shacabka ah loogu geysto magaalada Muqdisho, waxaana labadii berri ee u dambeeyay kusoo korortay dhaca loo...

Facebook Feed

Twitter Feed