Monday, October 25, 2021

Nala Soo Xidhiidh

Idaacadda Wardeeq

Home Arrimaha Bulshada 14 qaab-fikir xun oo ay tahay in aad iska ilaaliso

14 qaab-fikir xun oo ay tahay in aad iska ilaaliso

Fikir xumada waa qaab aragti ah in qofka uu xumaan iyo dhibaato ka dhex raadiyo waxkasta, ama yareynta filashada wanaagsan – iyagoo maleynaya in dhibato xun ay soo socoto.

Xaaladaha qaar, waxaa oga dhex muuqanaya caqabado iyo dhibaatooyiin ba’an ee dhici kara, halkii ay inta wanaagsan eegi lahaayeen.

Xaaladaha fikirka xun wuxuu mararka qaar sababaa niyad-jab. Balse fikir-xumada waxay dhiiragelisaa shaki keeni kara walwal, walbahaar iyo murugo xun oo wakhti badan qaata.

Arrinta wanaagsan ee middaa ka soo horjeeda waa fikir iyo niyad wanaagga iyo dabeecadaha iyo dhaqamada wanaagsan in lagu wajoho xaalad kasta.

Tusaalooyiinka ugu badan ee fikir-xumada

  • Qofka fikirka xun ee lacagta haysta waxay la tahay in qof kasta uu wax ka rabo – wuxuu ku fikiraa in uu ka qarsado xitaa qoyskiisa. “Qof kasta lacag buu iga rabaa”, waa waxa maskaxda oga xiran.
  • Meel cusub – xittaa shaqo mushaar badan haddii ay tahay – xumaan iyo dhibaato ayuu ka fishaa. Wadada cusub ee uu mari doono, in gunnada qaar ay ka yaraato iyo barashada dad cusub waa walwalka ugu wayn ee uu dareemo qofka fikirka-xun.
  • Haddii wax wanaagsan loo qabto ama uu helo – sida guri wayn – wuxuu ka walwalaa qarashka korontada iyo cowska ka soo bixi doona, hadlkii uu eegi lahaa nolosha raaxada leh!
  • In uu caan noqdo oo dhaqaale badan yeesho ma jecla – walwalka ugu wayna ee haystana waa in dad badan ay bartaa, ka fikiro dhaqaalaha iyo dadka u shaqeyn doona.
  • Gaari wanaagsan in uu ku socda ma jecla, dadka watana wuu ka maseyraa – Naftiisana wax uma ogola, dadka kalena uma quuro!
  • Waxbarashada ka dib – xitaa haddii jaamacadda ugu wanaagsan uu ka baxay – ma rabo shaqo wanaagsan oo lacag fiican leh. Wuxuu ka baqayaa in dadka kale ay lacag waydiistaan.
  • Qof aan xaywaanada jaclayn – wuxuu neceb yahay qeyladooda iyo dhaqdhaqaaqooda xitaa.
  • Ma jecla goob shaqo oo wanaagsan oo ka shaqeysa hormarka shaqaalaha – wuxuu ka doorbidaa in hal meel uu ka shaqeeyo oo meeshaas iska fadhiyo muddo sanado ah. INtaas ayaaba ku badan!
  • Haddii magaalada la keeno, wuxuu ka baqaa tuugada iyo burcadda ama lagu xad-gudbo – sidaa darteed, wuxuu ku noolaadaa miyiga.
  • Qabow iyo kuleyl meel u wanaagsan ma jirto – Xilli kasta oo cilimada is bedesho waa qof ka calaacalaya oo dacwo ah. Ma jirto mar uu hawada ku farxayo.
  • Waa qof neceb in uu meel wanaagsan ku seexdo – qol wayn, ama sariir wayn ma ogola, wuxuuna oga cararayaa qarash dartii ama arrimo aanba muhiim ahan.
  • Safarada dhaadheer laguma karo. Wuxuu ku nacayaa arrimo aanba wax wayn ahayn, sida hurdo yaraan ama qeylada rakaabka kale ee la safraya.
  • Cunto kasta oo loo kariyo waa qof wax ka sheega – ma lahan qanaaco, mana lahan awood uu qof kale ku amaano ama ku bogaadiyo. Abaal kasta oo aad u gasho ma gudo!
  • Waa qof su’aal ka qaba waxyaabaha casriga oo dhan. Waxay la tahay in barashadooda dhib tahay, ama wakhti ay ka qaadanayaan – xitaa haddii faa’iido ay ugu jirto.
RELATED ARTICLES

Xukumada Somaliland oo dad horleh kasoo musaafurineysa degaanadeeda

Ciidamada Amaanka Ee Somaliland ayaa Saaka Magaaladda Ceerigaabo ka Bilaabay howlgal looga saarayo Magaalada dadka aan u dhalan Deegaankaasi ee ka soo jeeda Koonfurta...

faah faahin laga helayo Dagaal ka dhacay duleedka Kismaayo

Dagaal  geystay khasaaro kala duwan ayaa waxaa uu ka dhacay Bar-koontorool oo Ciidamo ka tirsan kuwa dowlad Goboleedka Jubbaland ku leeyihin duleedka Magaalada Kismaayo...

Facebook ayaa ku guuldareysatay inay hubiso hadalada nacaybka, wararka been abuurka ah ee Hindiya: Warbixin

Facebook-ga Hindiya wuxuu doorbiday inuu xakameeyo hadallada nacaybka, wararka khaldan iyo qoraallada kiciya-gaar ahaan waxyaabaha ka soo horjeeda Muslimiinta-sida ku cad dukumiintiyada la dusiyey...