Guddoomiyaha Aqalka Sare ee Baarlamaanka Federaalka Soomaaliya Mudane Cabdi Xaashi Cabdullaahi ayaa xafiiskiisa ku qaabilay Wafdi heer sare ah oo ka socday Dowladda Qatar.
Wefdigaan oo uu hogaaminayay ergayga gaarka ah ee Wasiirka arrimaha dibadda Qatar u qaabilsan dhexdhexaadinta iyo la dagaallanka argagixisada Dr. Mutlaq Al qaxtaani iyo Guddoomiye Cabdi Xaashi ayaa waxa ay ka wada hadleen xaaladda guud ee Dalku marayo, xallinta khilaafyada ku hor gudban arrimaha Doorashooyinka.
Dr. Mutlaq Al qaxtaani ayaa horay ula kulmay mas’uuliyin kala duwan oo isugu jira dhanka Dowladda federaalka iyo Macuuradka, waxaana kulamada intooda badan diiradda lagu saaray arrimaha doorashooyinka iyo doorka dowladda Qatar ee arrimaha Soomaaliya.
