Soomaaliya: Isbeddel Diblomaasiyadeed oo Dib u Qeexaya Juqraafi-Siyaasadda Gobolka”

Isbeddel diblomaasiyadeed iyo juqraafi-siyaasadeed oo aan hore loo arag.

Dowladda Somaliya ayaa si rasmi ah u shaacisay in ay mamnuucday maraakiibta Isr”l inay maraan marin-biyoodka istiraatiijiga ah ee Bab El mandeb, taasoo jawaab u ah tallaabada Isr”l ee aqoonsi beenaadka ay ku siisey  Soomaaliland.

Go’aanka Soomaaliya ayaa yimid kadib markii Isr”l ay bilowday hirgelinta heshiis ku saabsan is-weydaarsiga safiirrada dhulkaas, si Tel Aviv uga dhigto dalkii ugu horreeyay ee aqoonsada tan iyo 1991, inkastoo uusan haysan aqoonsi caalami ah ama mid qaran.

Safiirka Soomaaliya u fadhiya Itoobiya iyo Midowga Afrika, Cabdullaahi Warfa, ayaa sheegay in dal kasta oo faragelin ku sameeya arrimaha gudaha Soomaaliya ama waxyeeleeya amniga dhulkeeda uu la kulmi doono cawaaqib adag, oo ay ku jirto xaddidaad lagu soo rogo marin-biyoodka Bab el-Mandeb.

Falanqeeyayaasha siyaasadda ayaa xaqiijiyay in horumarkan uu ku riixi karo Muqdisho inay dhisto xiriir cusub oo ay la yeelato maamulka Sanaa ee dalka Yemen si loo xoojiyo awoodda lagu dhaqan-gelinayo xannibaaddan, taasoo halis gelin karta xiriirka Soomaaliya iyo United States.

Khubarada milatariga ayaa tilmaamay in Soomaaliya ay hadda ka maqan tahay awood ciidan badeed ama cirka ah oo wax ku ool ah si ay u fuliso cunaqabateyn militari oo toos ah, balse hadalka Soomaaliya wuxuu leeyahay saameyn diblomaasiyadeed oo culus oo ku saabsan amniga maraakiibta marin-biyoodkan oo ka mid ah kuwa ugu muhiimsan adduunka.

Halista ugu weyn waxay ku jirtaa goobta juqraafiyeed ee Soomaaliya, oo ku dhow albaabka laga galo Badweynta Hindiya una gudba Bab el-Mandeb, marin ay maraan boqolkiiba weyn oo ka mid ah ganacsiga Israel ee u socda Aasiya iyo Afrika.