Taliyaha Ciidanka Booliska Soomaaliyeed Jeneraal Cabdi Xasan Maxamed (Xijaar) ayaa Garoonka diyaarahada ee Aadan Cadde ku sagootiyey 49-gabdhood oo ka tirsan Ciidanka Booliska gaarka ah ee Haramacad oo tababar loogu qaaday dalka Turkiga.
Taliyaha Booliska oo la hadlay warbaahinta ayaa waxaa uu sheegay in Gabdhahan ay soo qaadanayaan tababar heerkiisu sareeyo, taas oo kamid ah dadaalka lagu xaajinayo dhismaha iyo tayeynta ciidamada Booliska Soomaaliya.
