Thursday, August 5, 2021

Nala Soo Xidhiidh

Idaacadda Wardeeq

Home Warar-ka Al-Shabaab Oo Sheegtay In Weerar Jid-Gal Ay Gaadiid Uga Qabsatay Ciidamo

Al-Shabaab Oo Sheegtay In Weerar Jid-Gal Ay Gaadiid Uga Qabsatay Ciidamo

Dagaal u dhexeeyay Ciidanka dowladda Federaalka iyo Al-shabaab ayaa waxaa uu ka dhacay wadada dheer ee xiriirisa degmooyinka Luuq iyo Dooloow ee Gobolka Gedo ee koonfurta Soomaaliya.

Dagaalkan ayaa markii horey ka bilowday weerar dhabba-gal ah oo Al-shabaab ku qaadeen gaadiid ay la socdeen Ciidamo ka tirsan kuwa Milateriga dowladda oo socdaal ku marayay meel u dhow degmada Luuq.

Weerarka ayaa waxaa ka dhashay khasaaro isugu jira dhimasho iyo dhaawac soo kala gaaray labada dhinac, waxaana inta la xaqiijiyay Ciidanka dowladda halkaas uga dhintay hal Askari, halka laba kalen ay dhaawacmeen.

Saraakiisha Ciidamada ayaa tilmaamay inay iska difaaceen weerarkii kaga yimid dhinaca Al-shabaab, isla markaana khasaaro gaarsiiyeen Shabaabka, in kastoo aysan tiro sheegin.

Dhinaca kale Al-shabaab warar ay ku qoreen barahooda qadka ayaa waxaa ay ku sheegteen in weerarka dhabba-galka ay ku qabsadeen gaari Saaruf ah oo uu lahaa Nin ay sheegeen inuu yahay madaxda maaliyadda degmada Luuq ee dowladda iyo gaari kale oo nooca dagaalka ee Tikniko ah.

Si kastaba dagaalo u dhexeeyay Ciidanka dowladda iyo Al-shabaab ayaa dhowr jeer oo horey waxaa ay uga dhaceen deegaano iyo degmooyin ka tirsan Gobolka Gedo ee Maamulka Jubbaland, kuwaasi oo geystay khasaaro nafeed.

RELATED ARTICLES

Jofra Archer ayaa meesha ka saaray T20 Koobkii Adduunka iyo Dambas isagoo jabtay suxulka midig

Jofra Archer oo ah kubbad -yaqaanka dheereeya ee England ayaa seegi doona Koobka Adduunka ee T20 iyo Dambaskii Australia ka dib markii uu soo...

Biden wuxuu rabaa in kala bar iibinta baabuurta Mareykanka ay noqoto mid eber ah marka la gaaro 2030

Madaxweyne Joe Biden wuxuu saxiixi doonaa amar fulineed oo dejinaya “yool hami leh” oo ah in kala bar dhammaan gawaarida cusub ee lagu iibiyo...

Caqabadaha badan ee horyaala Madaxweynaha cusub ee Iran Ebrahim Raisi

Tehran, Iran - Ebrahim Raisi, oo loo caleemo saari doono madaxweynaha siddeedaad ee Iran Khamiista, ayaa wajahaya caqabado adag oo siyaasadeed, dhaqaale iyo bulsho...

Twitter Feed