Monday, October 18, 2021

Nala Soo Xidhiidh

Idaacadda Wardeeq

Home Warar-ka Al-Shabaab Oo Weerar Ku Qaaday Saldhig Ay Ku Sugnaayeen Ciidamo

Al-Shabaab Oo Weerar Ku Qaaday Saldhig Ay Ku Sugnaayeen Ciidamo



Dagaal u dhexeeyay Ciidanka Itoobiya ee qeybta ka howlgal Ciidanka AMISOM iyo Al-shabaab ayaa waxaa uu xalay ka dhacay degmada Xudur ee Xarunta Gobolka Bakool ee Maamulka Koonfur Galbeed.

Dagaalkaan ayaa waxaa ka yimid, ka gadaal markii xubno ka tirsan Al-shabaab ay weerar ku qaadeen Saldhig Ciidanka Itoobiyaanka ay ku leeyihiin Garoonka diyaaradaha Xudur, waxaana halkaas ka dhacay dagaal muddo kooban socday.

Lama oga khasaaraha ka dhashay weerarka iyo dagaalkii dhacay, waxaana dadka deegaanka degmada ay sheegeen inay saqdii dhexe ee xalay maqlayeen dhawaqa rasaas xoogan oo la is-dhaafsanayay.

Ciidamo ka tirsan maamulka degmada Xudur Bakool iyo kuwa Itoobiya ayaa Maanta xaafaddo ka tirsan degmadaas ka sameeyay howlgal lagu xaqiijinayay amniga Magaalada, kadib weerarkii dhacay.

Si kastaba Al-shabaab ayaa dhowr jeer weeraro kala duwan oo isugu jiray qaraxyo iyo mid toos ah ku qaaday Saldhigyo Ciidamada Itoobiya iyo kuwa Koonfur Galbeed ay ku leeyihiin deegaano ka tirsan Maamulkaas, waxaana weerarada qaarkood ka dhashay khasaaro.



RELATED ARTICLES

Weerar Xoogan Oo Lagu Qaaday Ciidamo Ka tirsan Puntland

Wararka ka imaanaya Gobolka bari ayaa waxa ay kusoo waramayaan in subaxnimadii hore ee saka weerar culus lala beegsaday Saldhig Ciidamada Puntland ay ku...

Ciidamada Dowladda Oo Howlgalo Qorsheysan Ka Fuliyay Gobolka Gedo

Ciidamada Dowladda gaar ahaana Guutada 10-aad  Ururka 50-aad Ee Ciidanka Xoogga Dalka ayaa waxa la sheegay in saacadihii lasoo dhaafay ay howlgalo balaaran ka...

Dilka Xildhibaan lagu dilay UK oo lala xariiriyay nin kasoo jeedda Soomaaliya

Xildhibaanka muxaafidka ah Sir David Amess ayaa dhintay ka dib markii  la tooriyeeyay xilli uu ku sugnaa  Essex oo laga doortay. Booliska ayaa sheegay in...