Thursday, August 5, 2021

Nala Soo Xidhiidh

Idaacadda Wardeeq

Home Warar-ka Booliiska Somaliland Oo Wiil Dhalinyaro Ah Ku Toogtay Magaalada Borama

Booliiska Somaliland Oo Wiil Dhalinyaro Ah Ku Toogtay Magaalada Borama

Wararka aan ka heleyno magaalada Boorama ee gobolka Awdal ee Somaliland waxay sheegayaan in ciidamada booliska ee ka howlgala magaaladaas ay caawa toogteen wiil dhalinyaro ah oo ku lebisnaa dharka buluuga ah ee calanka Soomaaliya.

Wiilka la toogtay oo ahaa 21-sano jir ayaa kasoo jeeday magaalada Boosaaso ee gobolka Bari, waxaana lagu magacaabi jiray Ibraahim Salaad Ibraahim.

Ibraahim Salaad waxuu sanadkii labaad Kuliyadda Engineering-ka ka dhiganayey Jaamacadda Camuud qeybteeda magaalada Boorama.

Dilka wiilkaan ayaa Maqribkii ka dhacay afaafka hore ee magaalada, kadib markii ay boolisku qabteen isagoo ka soo laabtay jimicsi uu u aaday meel Dooxo ah oo banaanka ka ah magaalada, sida ay noo sheegeen ehelkiisa.

Inta aan la dilin Ibraahim waxaa la sheegay in muran kooban oo ku saabsan dharka uu ku lebisan yahay uu dhex-maray booliska iyo asaga, kadibna uu dilay mid ka mid ah askartii qabatay.

Marar badan ayey ciidamada booliska Somaliland xabsiga dhigeen dhalinyaro soo xiratay dharka u eg calanka Jamhuuriyadda Soomaaliya, balse hadda waxaa muuqata in boolisku dilayaan qofkii ay ku arkaan wax u eg calanka Soomaaliya.

Deegaanada Somaliland waxaa ka jirta caburin lagu hayo shacabka, taas oo marar badan aad loogu dhaliilay xukuumadda.

Hadii adiga oo wata dhar u eg ama ka sameysan mid ka mid ah calamada dalalka caalamka aad tagto Somaliland, maamulku kuma dhibsanayo, balse hadii laguugu arko calanka buluuga ah ee Soomaaliya, waxaa khatar geleysa naftaada, ciqaabta ugu yar oo dadka lagu qabto calanka buluuga ah ay maraana, waa xarig iyo jir-dil.

RELATED ARTICLES

Jofra Archer ayaa meesha ka saaray T20 Koobkii Adduunka iyo Dambas isagoo jabtay suxulka midig

Jofra Archer oo ah kubbad -yaqaanka dheereeya ee England ayaa seegi doona Koobka Adduunka ee T20 iyo Dambaskii Australia ka dib markii uu soo...

Biden wuxuu rabaa in kala bar iibinta baabuurta Mareykanka ay noqoto mid eber ah marka la gaaro 2030

Madaxweyne Joe Biden wuxuu saxiixi doonaa amar fulineed oo dejinaya “yool hami leh” oo ah in kala bar dhammaan gawaarida cusub ee lagu iibiyo...

Caqabadaha badan ee horyaala Madaxweynaha cusub ee Iran Ebrahim Raisi

Tehran, Iran - Ebrahim Raisi, oo loo caleemo saari doono madaxweynaha siddeedaad ee Iran Khamiista, ayaa wajahaya caqabado adag oo siyaasadeed, dhaqaale iyo bulsho...

Twitter Feed