Tuesday, January 25, 2022

Nala Soo Xidhiidh

Idaacadda Wardeeq

Home Warar-ka Ciidamada ammaanka oo howl-gallo ka sameeyey degmada Dayniile

Ciidamada ammaanka oo howl-gallo ka sameeyey degmada Dayniile

Ciidamada ammaanka ee dowladda Soomaaliya ayaa saacadihii la soo dhaafay howl-gallo ballaaran waxa ay ka sameeyeen xaafado ka tirsan degmada Dayniile ee gobolka Banaadir.

Howl-gallada ayaa ahaa kuwa lagu xaqiijinayey amniga degmadaasi, sida ay shaaciyeen saraakiisha laamaha ammaanka ee magaalada Muqdisho.

Ilo wareedyo lagu kalsoon yahay ayaa sheegay in ciidamadu ay guri-guri u baarayeen xaafadaha, iyaga oo baadi-goobayo kooxaha geysta falalka liddiga ku ah amniga.

Ma jiro weli wax faah faahin ah oo ay saraakiisha ammaanka ka bixiyeen howl-galladaas oo ahaa kuwa qorsheysan, isla-markaana lagu sugayey amniga degmada Dayniile.

Si kastaba, ciidanka amniga ayaa muddooyinkii dambe howl-gallo ka waday caasimadda, kuwaas oo lagu soo qab-qabtay rag burcad ah oo dhac u geysanayey shacabka.

RELATED ARTICLES

Booliiska London ayaa baaraya xafladaha xiritaanka ee guriga Ra’iisul Wasaaraha Ingiriiska

Adeegga booliiska magaalada London ayaa furay baaritaan ku saabsan suurtagalnimada jebinta xirida COVID-19 ee guriga Ra'iisul Wasaaraha Ingiriiska Boris Johnson's Downing Street ka dib...

Xaakimka New York wuxuu meesha ka saaray amarkii maaskaro COVID ee gobolka

Garsooraha gobolka New York ayaa meesha ka saaray amar u baahnaa xirashada waji-xidhka meelaha dadku isugu yimaado si looga taxadiro COVID-19, isaga oo xukumaya...

Xisbiyada Mucaaradka Somaliland ayaa maalintii shalay madaxwaynaha Somaliland u gudbiyay waraaq.

Xisbiyada Mucaaradka Somaliland ayaa maalintii shalay madaxwaynaha Somaliland u gudbiyay waraaq ay kaga hadlayeen arimo badan oo ay ka mid yihiin Doorshooyinka madaxtooyada iyo...