Thursday, October 28, 2021

Nala Soo Xidhiidh

Idaacadda Wardeeq

Home Xulashada Faah faahin: Khasaaraha ka dhashay madaafiicdii Muqdisho

Faah faahin: Khasaaraha ka dhashay madaafiicdii Muqdisho

Faah faahino ayaa ka soo baxaya khasaaraha ka dhashay madaafiic galabta lagu weeraray Xarunta Madaxtooyada ee Magaalada Muqdisho.

Mid ka mida madaafiicdaasi ayaa gudaha ugu dhacay Madaxtooyada, iyadoo mid kalena uu ku dhacay darbiga dambe ee Madaxtooyada, halka madaafiic kale ay ku kala dhaceen xaafadaha ku dhow dhow Villa Somalia ee ka kala tirsan Degmooyinka Warta Nabadda (Ex Wardhiigley) iyo Boondheere.

Inta laga warqabo saddex qof oo rayid ah ayaa ku dhintay madaafiicda ku dhacday xaafadaha ku dhow dhow Madaxtooyada, halka shan kalena ay ku dhaawacantay.

Madfac ku dhacay guri ku yaala Degmada Warta Nabadda ayaa waxaa ku dhintay nin dhalinyaro ah, xilligaa oo sida la sheegay uu hurday. Marxuumka ayaana lagu magacaabi jiray Cabdicasiis Maxamed Xasan.

Dadka dhaawacmay ayaa u badan arday, ka dib markii madfac uu ku dhacay Dugsi Qur’aan, qaarkoodna ay xaaladoodu culus tahay.

Ilo wareedyo ayaa sheegaya inaanay jirin wax khasaaro ah oo ka dhashay labada madfac ee midka gudaha ugu dhacay Madaxtooyada iyo kan kale ee gidaarka dambe ee dhismaha Madaxtooyada ku dhacay.

Al Shabaab ayaa war ay soo saartay ku sheegtay in illaa lix madfac ay ku weerareen Aqalka Villa Somalia.

RELATED ARTICLES

Howlgal laga sameeyay Magaalada Beledweyne

Ciidanka Booliska Dowlad Goboleedka  Hir-Shabelle ayaa howlgallo ammaanka lagu xaqiijinayay waxa ay ka sameeyeen qaybo kamid ah xaafadaha Magaalada Beledweyne ee xarunta Gobolka Hiiraan Ciidamada...

Ciidamada Ahlusunna oo isaga baxay Guriceel

Ciidamada iyo hoggaanka Ahlusunna  Waljamaaca oo maalmihii la soo dhaafay kula dagaalamayay degmada Guriceel Ciidanka dowladda iyo kuwa Galmudug ayaa saaka halkaasi isaga baxay. Ka...

Guddiga doorashooyinka Heer Federaal oo Warbixin siiyay Madaxweynaha KGS

Madaxweynaha Dowlad Goboleedka Koonfur Galbeed  Cabdicasiis Xasan Maxamed Laftgareen ayaa Xafiiskiisa ku qaabilay Gudiga Hir-gelinta Doorashooyinka heer Federaal iyo heer Dowlad Goboleedka Koonfur Galbeed. Madaxweyne...