Monday, October 18, 2021

Nala Soo Xidhiidh

Idaacadda Wardeeq

Home Warar-ka Farmaajo iyo Rooble oo cambaareeyay ismiidaamintii Saraakiisha lagu dilay

Farmaajo iyo Rooble oo cambaareeyay ismiidaamintii Saraakiisha lagu dilay



Madaxweynaha Somaliya, Maxamed Cabdullaahi Farmaajo iyo Ra’iisal Wasaaraha Xukuumadda, Maxamed Xuseen Rooble ayaa cambaareeyay weerarka ismiidaaminta ee ka dhacay afaafka hore ee Saldhigga Booliska ee Degmada Waaberi.

Madaxweyne Farmaajo ayaa shacabka Soomaaliyeed ugu baaqay isku duubni iyo wadajir, si looga guuleysto cadowga caadeystay gumaadka iyo daadinta dhiigga shacabka Soomaaliyeed.

“Innaa Lillaahi wa innaa Ilayhi raajicuun. Waxaan ka tacsiyeynayaa geerida Taliyihii Booliiska Degmada Waaberi, Gaashaanle Axmed Sheekh Cabdullaahi Baashane, Saraakiisha iyo askarta kale ee Ciidanka Booliska Soomaaliyeed ee u shahiiday iyagoo ka shaqaynaya amniga dalkooda iyo dadkooda. Dhammaan shacabka Soomaaliyeed iyo hay’adaha amniga waxaan ugu baaqayaa in si wadajir ah ay isaga kaashadaan ka hortagga dhagarta arxan-darrada ah ee argagixisada.” Ayuu yiri Madaxweynaha oo warkan ku sheegay qoraal ka soo baxay Villa Somalia.

Ra’iisal Wasaare Rooble ayaa isna qoraal uu bartiisa Twitter-ka soo dhigay ku cambaareeyay ismiidaamintaasi, isagoo dhanka kalena tacsi u diray qoysaska ay ka baxeen dadkii ku naf waayay falkaasi.

“Waxaan cambaareynayaa weerarkii argagixisadu ku qaadeen Saldhigga Degmada Waaberi. Waxaan qoysaskoodii iyo shacabka Soomaaliyeed uga tacsiyeynayaa Saraakiishii iyo shacabkii ku naf waayay falkaas argagixiso. Inta dhimatay Allaha u naxariisto, dhaawacyadana Allaha bogsiiyo.” Ayuu yiri Rooble.

Sadiiq Aadan Cali (Doodisho), Afhayeenka Ciidanka Booliska Soomaaliyeed ayaa Warbaahinta u sheegay in lix qof ku dhimatay qaraxaasi, halka lix kalena ay ku dhaawacantay.

Ma jirto cid sheegatay masuuliyadda qaraxaasi, hase yeeshee waxaa lala xiriirinaya maleeshiyada Al Shabaab.



RELATED ARTICLES

Weerar Xoogan Oo Lagu Qaaday Ciidamo Ka tirsan Puntland

Wararka ka imaanaya Gobolka bari ayaa waxa ay kusoo waramayaan in subaxnimadii hore ee saka weerar culus lala beegsaday Saldhig Ciidamada Puntland ay ku...

Ciidamada Dowladda Oo Howlgalo Qorsheysan Ka Fuliyay Gobolka Gedo

Ciidamada Dowladda gaar ahaana Guutada 10-aad  Ururka 50-aad Ee Ciidanka Xoogga Dalka ayaa waxa la sheegay in saacadihii lasoo dhaafay ay howlgalo balaaran ka...

Dilka Xildhibaan lagu dilay UK oo lala xariiriyay nin kasoo jeedda Soomaaliya

Xildhibaanka muxaafidka ah Sir David Amess ayaa dhintay ka dib markii  la tooriyeeyay xilli uu ku sugnaa  Essex oo laga doortay. Booliska ayaa sheegay in...