Tuesday, August 3, 2021

Nala Soo Xidhiidh

Idaacadda Wardeeq




Home Warar-ka Gudoomiyaha Degmada Baraawe oo sheegay in isku day dil uu ka badbaaday

Gudoomiyaha Degmada Baraawe oo sheegay in isku day dil uu ka badbaaday

Gudoomiyaha Degmada Baraawe ee Maamulka Gobolka Shabellaha Hoose, Cumar Sheekh Cabdi Shafaana ayaa sheegay inuu ka badbaaday isku day dil oo la doonayay in lagu qaarajiyo, ka dib markii gaarigiisa lagu rasaaseeyay degmadaasi.

Mid ka mida ilaalada Gudoomiyaha iyo qof rayid ah ayaa gelinkii dambe ee Khamiistii ku geeriyooday tacshiirad ay Ciidamada Militariga ku fureen gaarigiisa. Sidoo kale laba qof ayaa ku dhaawacantay tacshiiradaasi oo mid ka mida uu yahay ilaalada Gudoomiyaha.

Gudoomiyaha Degmada Baraawe ayaa sheegay in Ciidanka Xoogga Dalka ee degmadaasi degan ay gaarigiisii soo beegsadeen, xilli uu ku sii jeeday Xarunta Maamulka Degmada.

Gudoomiyaha ayaa Warbaahinta u sheegay inaanu garan karin sababta ka dambeysay inay soo hujuumaan Ciidamada Militariga.

“Qiyaastii 30 illaa 40 xabadood ayaa laygu soo furay, Ilaahayna wuu iga badbaadshay, laakiin waxaa ku dhintay laba qof oo midkood ilaaladeeda ka mid ahaa iyo nin rayid ah, nin kale oo boolis ahna wuu ku dhaawacmay iyo qof kale oo rayid ah.” Ayuu yiri Gudoomiyaha.

Gudoomiyaha ayaa yiri “Ma garan kari sababta, aniga Maamul Degmo ayaan ahay, waxaan u sii socday Xarunta Degmada, abaarihii 3:12pm ayay ahayd markii ay dhacdadaasi i qabsaneysay, Al Xamdulillah waana ka badbaaday. Alle dile ayaa dhinto.”

Cumar Shafaana ayaa si adag Ciidamada Militariga ugu eedeeyay inay ugu talagaleen inay dilaan, balse uu ku badbaaday waqtigiisa oo wax ka harsanaa.

Dhanka kale Taliyaha Ciidanka Xoogga Dalka ee aagga Degmada Baraawe, Cabdiraxmaan Cilmi Jimcaale ayaa dhacdadaasi ku tilmaamay mid shil ah, ka dib markii ay kala shakiyeen ciidamadiisa iyo ilaalada Gudoomiyaha, waana xilli sida uu sheegay ay ku daba jooggeen gaari walxaha qarxa laga soo buuxiyay oo gudaha loo soo geliyay degmadaasi.

Taliyaha ayaa tilmaamay in gaariga ay baadigoobka ugu jireen iyo kan Gudoomiyaha Degmada Baraawe ay isu nooc yihiin, halkaasina uu kala shakiga ka yimid.

“Ku talagal uma aanan weerarin, anagu waxaan raadineynay, difaacna aan uga jirnay, baadigoobkiisa iyo baaristiisana aanba markiiba wadnay gaarigaas qaraxa ah, noocaas-na ah ayuu ahaa.” Ayuu yiri Taliyaha.

Taliyaha ayaa yiri “Gudoomiyaha maynaan weerarin, awal horaa weerari lahayn, degmadiisa iyo ilaalintiisaa ku jirnay intaasoo sano. Been iyo borabogaando lama rabo, sidaas ayayna wax u dhaceen.”

RELATED ARTICLES

Dabka dabku wuxuu burbur kale u geystaa Turkiga, Giriigga

Tirada dhimashada lix maalmood oo xiriir ah oo dab ka kacay kaymaha Turkiga ayaa gaartay siddeed, halka dalka deriska la ah ee Giriigga, shaqaalaha...

Madaxweynaha cusub ee Iran Raisi ma hagaajin karaa dhaqaale aad u dhib badan?

Tehran, Iran - Ebrahim Raisi, oo loo dhaarin doono Khamiista inuu noqdo madaxweynaha siddeedaad ee Iiraan, wuxuu dhaxlaa dhaqaale murugsan oo masiirkiisu ku dhex...

Poland ayaa siisay fiisooyin bini’aadanimo ciyaartooyga Olimbikada Belarus

Ciyaaryahanka Olympia -ga Belarus -ka Krystsina Tsimanouskaya ayaa Poland siisay fiiso bani’aadannimo, sida uu xaqiijiyay wasiir ku xigeenka arrimaha dibedda ee dalka Isniintii. Tallaabadan ayaa...

Twitter Feed