Caasimada Muqdisho ayaa markale wajahaysa maalin kale oo rabshado ah, kaddib markii dadka deggan degmada Heliwaa ay ka mudaaharaadeen dhul boob la sheegay inay wadaan koox ka tirsan dowladda Xasan Sheekh Maxamuud, iyadoo ay rasaas culus fureen ciidamo ka tirsan militariga iyo booliska.
Dadka deegaanka ayaa u sheegay wardeeq news in rasaas ay haleeshay dad shacab ah, iyadoo la soo wariyay dhaawacyo iyo cabsi laga qabo inay jiraan dhimashooyin.
Arrintan ayaa imanaysa kaddib rabshadihii shalay dhacay, kuwaas oo lagu eedeeyay inay geysteen ciidamo ka tirsan ammaanka dowladda oo lagu tuhunsan yahay inay qayb ka yihiin qorshaha dhul boobka.
