Israsaaseyntan ayaa maanta ka dhacday Isgoyska Warshadda Caanaha ee Magaalada Muqdisho, ka dib markii ay kala shakiyeen ciidamo ka tirsan kuwa Dowladda Federaalka.
Ciidan militari ahaa oo xilligaa wadada marayay ayaa furay rasaas la sheegay inay wadada ku furanayeen, xilligaa oo mashquul uu ka jiray.
Wararka ayaa intaa ku daraya in ciidan kale oo wadada ku sugnaa ay ka shakiyeen ciidamadaasi, taasoo dhabaha u xaartay iska horimaadkaasi.
Goobjooge ayaa sheegay in labada ciidan ay goor dambe is garteen, isla-markaana ay xaaladda goobta ku soo laabatay mid caadiya.
Goobjoogaha oo magaciisa ka gaabsaday ayaa tilmaamay in haweeney ka mid ahayd dadka deegaanka ay ku geeriyootay iska horimaadkaasi.
Dadka reer Muqdisho kuma cusba iska horimaadyada u dhaxeeya ciidamada, sababtaba haku timaadee.
