Monday, October 25, 2021

Nala Soo Xidhiidh

Idaacadda Wardeeq

Home Sports-ka Jorge Messi oo u duulaya Spain si loo dhammeeyo wada xaajoodka heshiis...

Jorge Messi oo u duulaya Spain si loo dhammeeyo wada xaajoodka heshiis kordhinta Lionel Messi ee Barcelona

Tan iyo markii xilka madaxweynaha Barcelona loo doortay Joan Laporta waxaa isa soo taraya wararka la xiriira dadaallada uu Laporta ugu jiro inuu Lionel Messi ka saxiixo heshiis cusub oo uu kula sii joogi doono Barca.

Aabbaha dhalay kabtanka Barcelona ee Jorge Messi ayaa lagu wadaa in maalinta Isniinta ah ee soo aaddan uu u duuli doono dalka Spain si uu qandaraas kordhin ugala xaajoodo Madaxweyne Laporta.

Qoraaga majaladda TNT Sports ee Maximiliano Grillo ayaa sheegay in Jorge oo ah aabbaha dhalay Messi ahna wakiilka xiddigan uu Isniinta la kulmi doono Laporta, xilli maamulka Barca oo uu ugu horreeyo madaxweynaha kooxda ay rajo wanaagsan ka qabaan in Leo iyo Aabbihii Jorge aqbali karaan dalabka ay u diyaariyeen.

Mustaqbalka Lionel Messi ee Barcelona ayaa wali u muuqda mid aan caddeyn tan iyo markii uu xagaagii lasoo dhaafay caddeeyay rabitaankiisa ku aaddan inuu isaga tago Camp Nou.

Hase ahaatee, tan iyo markii uu is-casilay madaxweynihii hore ee Josep Maria Bartomeu isla markaasna uu xilkan dhowaan la wareegay Laporta, waxaa soo iftiintay rajada ay kooxdan ka leedahay in Messi ay ku qanciso inuu baaqi kusii ahaado Blaugrana.

RELATED ARTICLES

Xukumada Somaliland oo dad horleh kasoo musaafurineysa degaanadeeda

Ciidamada Amaanka Ee Somaliland ayaa Saaka Magaaladda Ceerigaabo ka Bilaabay howlgal looga saarayo Magaalada dadka aan u dhalan Deegaankaasi ee ka soo jeeda Koonfurta...

faah faahin laga helayo Dagaal ka dhacay duleedka Kismaayo

Dagaal  geystay khasaaro kala duwan ayaa waxaa uu ka dhacay Bar-koontorool oo Ciidamo ka tirsan kuwa dowlad Goboleedka Jubbaland ku leeyihin duleedka Magaalada Kismaayo...

Facebook ayaa ku guuldareysatay inay hubiso hadalada nacaybka, wararka been abuurka ah ee Hindiya: Warbixin

Facebook-ga Hindiya wuxuu doorbiday inuu xakameeyo hadallada nacaybka, wararka khaldan iyo qoraallada kiciya-gaar ahaan waxyaabaha ka soo horjeeda Muslimiinta-sida ku cad dukumiintiyada la dusiyey...