Tuesday, January 25, 2022

Nala Soo Xidhiidh

Idaacadda Wardeeq

Home Warar-ka Madaxweyne Farmaajo oo hambalyo udirey shacabka Soomaaliyeed.

Madaxweyne Farmaajo oo hambalyo udirey shacabka Soomaaliyeed.

FARRIINTA CIIDDA CARAFO

Bismillaahi Raxmaani Raxiim

Asalaamu Calaykum Warraxmatullaahi Wa Barakaatuhu.

Ciid Wanaagsan

Waxaan ugu hambalyeynayaa dhammaan Ummadda Soomaaliyeed iyo Muslimiinta Caalamka munaasabadda barakeysan ee Ciidda Carrafo oo ah mid ku weyn diinteenna iyo dhaqankeenna suubban.

Maalmahan barakaysan ee Ciidda Carrafo waa maalmo ku suntan khayrka iyo cibaadada, iyadoo dadka Muslimiinta ah ay ku howlan yihiin gudashada waajibaadka Xajka, waloow sannadkan aysan u suurta gelin Muslimiin badan in ay gutaan waajibkan diiniga ah sababo caafimaad oo la xiriira cudurka safmarka ah ee COVID-19.

Sidaas darteed, waxaan ku boorrinayaa dadka Soomaaliyeed, gaar ahaan xujeyda Soomaaliyeed ee qorshaynayey sannadkan in ay gutaan rukniga xajka in ay beddelkiisa ku dadaalaan bixinta sadaqada iyo kaalmaynta dadka danyarta ah oo iyaduba ka mid ah acmaasha ugu wanaagsan ee Rabbi loogu dhowaado.

Si gaar ah waxaan hambalyo iyo bogaadin u dirayaa dhammaan Ciidammadeenna Qalabka Sida ee geesiyaasha ah oo har iyo habeen u taagan difaaca qarankooda. Gaar ahaan waxaan hambalyo u dirayaa halyeeyadeenna ku qaadanaya maalmahan barakaysan furimaha dagaalka iyo xarumaha difaaca dalka.

Ugu dambeyntii, waxaan Alle ka baryayaa in ciiddan teeda kale uu nagu gaarsiiyo barwaaqo, midnimo, horumar iyo amni buuxa. Sidoo kale waxaan Alle ka baryaynaa inuu u naxariisto dhammaan dadkeennii naftooda u huray difaaca iyo horumarka dalkeenna.

CIID WANAAGSAN

RELATED ARTICLES

Booliiska London ayaa baaraya xafladaha xiritaanka ee guriga Ra’iisul Wasaaraha Ingiriiska

Adeegga booliiska magaalada London ayaa furay baaritaan ku saabsan suurtagalnimada jebinta xirida COVID-19 ee guriga Ra'iisul Wasaaraha Ingiriiska Boris Johnson's Downing Street ka dib...

Xaakimka New York wuxuu meesha ka saaray amarkii maaskaro COVID ee gobolka

Garsooraha gobolka New York ayaa meesha ka saaray amar u baahnaa xirashada waji-xidhka meelaha dadku isugu yimaado si looga taxadiro COVID-19, isaga oo xukumaya...

Xisbiyada Mucaaradka Somaliland ayaa maalintii shalay madaxwaynaha Somaliland u gudbiyay waraaq.

Xisbiyada Mucaaradka Somaliland ayaa maalintii shalay madaxwaynaha Somaliland u gudbiyay waraaq ay kaga hadlayeen arimo badan oo ay ka mid yihiin Doorshooyinka madaxtooyada iyo...