Monday, October 25, 2021

Nala Soo Xidhiidh

Idaacadda Wardeeq

Home Warar-ka Mareykanka oo si dhow u eegaya ballanqaadkii Madaxweyne Farmaajo

Mareykanka oo si dhow u eegaya ballanqaadkii Madaxweyne Farmaajo

Xukuumadda Washington ayaa sheegtay inay si dhow u eegayso ballanqaadkii Madaxweyne Maxamed Cabdillaahi Farmaajo, ee ku aaddanaa inuu dib ugu laaban doono heshiiskii doorashooyinka dalka ee 17-kii September, isla-markaana uu si dhakhsi leh u bilaabi doono wadahadaladii ay dowladdiisu la laheyd Madaxda Dowlad Goboleedyada.

Bayaan ay soo saartay Wasaaradda Arrimaha Dibadda Mareykanka ayaa Madaxweynaha iyo Xildhibaanada Golaha Shacabka looga codsaday inay si deg-deg ahi u baabi’iyaan Sharciga gaarka ah ee labada sano loogu kordhiyay Hay’adaha Dowladda Federaalka.

“Waxaan ka codsanaynaa Madaxweynaha iyo Baarlamaanka inay si deg-deg ah uga hawlgalaan baabi’inta hindise sharciyadeedkii muddo kordhinta ee 12-kii April.” Ayaa lagu sheegay Bayaanka.

Bayaanka ayaa lagu taageeray diidmada ay muujiyeen Madaxweyne-yaasha Dowlad Goboleedyada iyo Ra’iisal Wasaaraha, ee la xiriiray muddo kordhinta.

“Waxaanu ka codsanaynaa Madaxda Dowladda Federaalka iyo Dowlad Goboleedyada Xubnaha ka ah Dowladda Federaalka inay si deg-deg ah u kulmaan, si loo dhameystiro qaabka doorasho ee leesku waafaqsan yahay, lana qabto doorashooyinka Baarlamaanka iyo Madaxtooyada sida ugu dhakhsiyaha badan, iyadoo lagu saleynayo heshiiskii September 17.” Ayaa lagu yiri bayaanka.

Dowladda Mareykanka ayaa ugu baaqday danleyda siyaasadda ee dalka inay danta Soomaalida awgeed meel iska dhigaan himilooyinkooda siyaasadeed iyo kala feker duwanaanshiyahooda, ayna si daacad ah oo tanaasul iyo shuruud la’aan ku jirto ay u wadahadlaan.

Mareykanka ayaa Ciidamada Dowladda Federaalka iyo xoogaga kale ee ka soo horjeeda ugu baaqay inay dib u gurtaan, isla-markaana ay fursad siiyaan wadahadalada, si ay dib ugu bilowdaan jewi ka caagan rabshado iyo caga-jugleyn.

RELATED ARTICLES

Xukumada Somaliland oo dad horleh kasoo musaafurineysa degaanadeeda

Ciidamada Amaanka Ee Somaliland ayaa Saaka Magaaladda Ceerigaabo ka Bilaabay howlgal looga saarayo Magaalada dadka aan u dhalan Deegaankaasi ee ka soo jeeda Koonfurta...

faah faahin laga helayo Dagaal ka dhacay duleedka Kismaayo

Dagaal  geystay khasaaro kala duwan ayaa waxaa uu ka dhacay Bar-koontorool oo Ciidamo ka tirsan kuwa dowlad Goboleedka Jubbaland ku leeyihin duleedka Magaalada Kismaayo...

Facebook ayaa ku guuldareysatay inay hubiso hadalada nacaybka, wararka been abuurka ah ee Hindiya: Warbixin

Facebook-ga Hindiya wuxuu doorbiday inuu xakameeyo hadallada nacaybka, wararka khaldan iyo qoraallada kiciya-gaar ahaan waxyaabaha ka soo horjeeda Muslimiinta-sida ku cad dukumiintiyada la dusiyey...