Friday, September 17, 2021

Nala Soo Xidhiidh

Idaacadda Wardeeq

Home Warar-ka Masar: dhisme sagaal dabaq ah oo soo dumay iyo Khasaraha Ka dhashey...

Masar: dhisme sagaal dabaq ah oo soo dumay iyo Khasaraha Ka dhashey dhimasho iyo dhaawac

Ugu yaraan shan qof ayaa geeriyootay 24 kalena waa ay dhaawacmeen, kadib markii uu dumay dhisme dabaq ah oo ku yaalla magaalada Qaahira ee caasimadda dalka Masar, saacadihii hore ee Sabtida maanta ah, sida ay ku warantay wakaaladda wararka ee dowladda Masar ee MENA.

“Qalalaasaha waxaa laga war-helay 9:00 subaxnimo, waxaa burburay dhisme ka kooban dabaqa hoose iyo sagaal dabaq oo sare,” ayaa lagu yiri bayaan ka soo baxay maamulka xaafadda el-Salam ee magaalada Qaahira.

Shaqaalaha gurmadku waxay raadinayaan dadkii ku dhintay, kuwa dhawaca ah, iyo dad badqaba oo la aamisan yahay inay ku hoos xayiranyihiin burburka dhismahaan dumay ee baaxadda leh.

 “Shan qof ayaa geeriyootay, ugu yaraan 24 kale ayaa dhaawac loo qaaday goobta,” ayuu yiri guddoomiyaha xaafadda uu shilkaan ka dhacay ee el-Salam, Khalid Abdel.

Booliska ayaa isku gadaamay aagga, iyagoo dib u celinaya dadka raadinaya ehelka la aaminsanyahay in dhismahan uu ku dumay. Waxaa la arkaayay shaqaalaha oo adeegsanaya cagaf cagafyo, si ay u nadiifiyaan goobta una soo saaraan dadka.

Lama shaacin waxa sababay burburka dhismaha.

“Guddi injineernimo ayaa loo sameeyay durba, si ay u baaraan isku-haleynta dhismooyinka deriska ah iyo sababta keentay burburkaan,” ayuu yiri Khalid Abdel.

Burburka dhismayaashu ma’ahan wax ku cusub Masar, waxaana ku badan dhismayaasha aan tayada badan laheyn, sida ay werineyso warbaahinta caalamka oo horay wax uga qortay.

RELATED ARTICLES

Jabuuti oo shaacisay in diyaaradii uu saarnaa Fahad Yaasiin dib ugu celiyeen Turkiga

Wasiirka Wasaaradda Arrimaha dibadda Jabuuti Maxamed Cali Yuusuf ayaa sheegay in dhmaan rakaabkii saarnaa Diyaaradda Turkish Airweys dib ugu celiyeen dalka Turkiga.Diyaaradaas oo wada...

Xukumada Somalia oo shaacisay in Fahad Yaasiin lagu xanibay Garoonka Jabuuti

Agaasimaha Warfaafinta ee Madaxtooyada Soomaaliya sigaar ahna uga howlgalla Xafiiska Madaxweyne Farmaajo ayaa sheegay in Dawladda Jabuuti ay garoonka diyaaradaha Jabuuti ku xannibtay Lataliyaha...

Boqolaal baabuur oo gargaar ah ayaa ku guuldareystay inay ka soo laabtaan Tigray, UN ayaa sidaas sheegtay

Boqolaal baabuur oo gargaar ah ayaan ka soo laaban gobolka Tigrey ee uu dagaalku ka dhacay ee Itoobiya, waayitaankooduna waa “caqabadda koowaad” si kor...

Twitter Feed