Monday, May 10, 2021

Nala Soo Xidhiidh

Idaacadda Wardeeq

Home Warar-ka Midowga Musharaxiinta oo Madaxweynaha ku gacan-seyray kulan uu ka codsaday

Midowga Musharaxiinta oo Madaxweynaha ku gacan-seyray kulan uu ka codsaday

Golaha Midowga Musharaxiinta ayaa Madaxweyne Maxamed Cabdullaahi Farmaajo ku gacan-seyray wadahadal uu ugu baaqay inay xaaladda dalka ka yeeshaan.

Madaxweynaha Somaliya ayaa codsigiisaan u gudbiyay Midowga Musharaxiinta, isagoo markaasi ergo ahaan ugu diray Madaxweyne-yaasha Galmudug iyo Hirshabelle.

Wararka ayaa sheegaya in Madaxweynaha uu codsaday inuu la kulmo guddi ka socda Midowga Musharaxiinta, bal si ay uga wadahadlaan arrinta doorashada, gaar ahaan doodda adag ee ka dhalatay muddo kororsiga labada sano ah.

Wararka ayaa intaa ku daraya in baaqa Madaxweyne Farmaajo uu si gaar ahi ugu socday Madaxweyne-yaashii hore ee dalka, Shariif Sheekh Axmed iyo Xasan Sheekh Maxamuud.

Ilo wareedyo ayaa sheegaya in Midowga Musharaxiinta ay kulankaasi u diideen, iyagoo Madaxweyne Farmaajo u aqoonsan mid muddo xileedkiisu dhammaaday, isla-markaana uu kursiga ku jooggo sifo aan sharci ahayn.

Axmed Cabdi Kaariye (Qoorqoor), Madaxweynaha Galmudug ayaa la soo sheegaya in markale uu isku dayi doono, sidii uu u kulansiin lahaa Madaxda Dowladda Federaalka iyo Xubnaha Midowga Musharaxiinta, qaarkood.

Inkastoo muddooyinkii ugu dambeysay ay xaaladda siyaasadeed ee dalka ahayd mid hubinti la’aana ayaa waxaa sii murjisay labada sano ee loogu daray Madaxtooyada iyo Baarlamaanka, waana xilli uu kordhayo baaqyada loo jeedinayo danleyda siyaasadda ee dalka.

RELATED ARTICLES

Qarax Khasaaro Geystay Oo Ka Dhacay Dowlad Deegaanka Soomaalida

Wararka aan ka heleyno degmada Sagag ee dowlad Deegaanka Soomaalida Itoobiya ayaa waxaa ay sheegayaan in duhurnimadii Maanta halkaas uu ka dhacay qaraxa khasaaro...

Taliye Saldhig Boolis Oo Ku Geeriyooday Qaraxii Caawa Ka Dhacay Magaalada Muqdisho

Qarax Xooggan ayaa Caawa ka dhacay Magaalada Muqdisho ee Caasimadda Soomaaliya, waxaana Jugta iyo rasaas goos goos ah oo daba socotay Qaraxa laga maqlay...

Ciidanka Xooga Oo Hawlgalo Ka Fuliyay Degaanno Ka Tirsan Gobolka Hiiraan

Ciidanka Xoogga dalka gaar ahaan Guutada 5-aad Qeybta 27-aad oo saacadihii la soo dhaafay  howgallo ka sameeyay Tuulada Quulaale oo u dhexeyasa Deegaanka Cali...

Facebook Feed

Twitter Feed