Tuesday, June 15, 2021

Nala Soo Xidhiidh

Idaacadda Wardeeq

Home Warar-ka Qatar oo dhex-dhexaadin doonta Sudan iyo Itoobiya

Qatar oo dhex-dhexaadin doonta Sudan iyo Itoobiya

Ra’ iisul Wasaaraha Sudan, Dr. Cabdalla Xamduuk waxa uu la kulmay Ku-xigeenka RW dalka Qatar, ahna Wasiirka Arrimaha Dibedda, Sheekh Maxamed Bin C/raxmaan Al-Thani oo maalmahan booqasho ku joogay Khartoum.

Qaabilaadaasi oo ay goobjoog ka ahaayeen Wasiiradda Arrimaha Dibedda iyo Arrimaha Golaha Wasiirada ee dalka Sudan waxa RW Sudan loo gudbiyey Dhambaal Qoraal oo uu u soo diray Amiirka dalka Qatar, Sheekh Tamiim Bin Xamad Al-Thani.

Kulankaasi waxaa looga hadlay Xiriirka labada dal, Taageeradda Qatar ee Arrimaha Ammaanka, Siyaasadda, Maalgashiga, Tababarada, Iskaashiga iyo Dhaqaalaha.

Dhinaca kale, Ku-xigeenka RW dalka Qatar, ahna Wasiirka Arrimaha Dibedda, Sheekh Maxamed Bin C/raxmaan Al-Jaasim Al-Thani oo ka hadlay Shir Jara’id oo ay isaga iyo dhigiisa dalka Sudan, Maryama Saadaq Al-Mahdi ku qabteen magaalladda Khartoum waxa uu ku shaaciyey inay Qatar dhexdhexaadin doonto Sudan iyo Ethiopia oo isku haysta Khilaaf dhanka Xuduudka iyo Saami-qeybsiga biyaha ee Biyo-xireenka Ethiopia ee GERD.

Waxa kale oo uu tilmamay inuu Sarakiisha Sudaan kala hadlay Arrimaha Mandiqada, gaar ahaan Xiisadda haatan ka dhex aloosan Sudan iyo Ethiopia.

“Ma doonayo wax kasta oo dhibaataynayo dadka Sudan, Ammaankooda ama Noloshooda. Waxaa kale oo aan bogaadinaynaa qaabka ay Sudan ku wajahayso arrimahaasi ee Caaqilnimada iyo qaabka Diplomaasiyadeed ee deggan” ayuu yiri Ku-xigeenka RW Qatar, ahna Wasiirka Arrimaha Dibedda.

Waxa uu sii raaciyey inay rajeynayaan in xalinta Xiisadahaasi loo mari doono Wada-xaajood iyo Xiriir Diplomaasiyadeed oo u dhexeeya labada dal ee Sudan iyo Ethiopia.

Hadalkiisa ayaa yimid, kadib, markii ay Dowladda Imaaraadka Carabta sheegtay inay ka laabatay dadaalkii Dhexdhexaadinta ee ay ka dhex waday Sudan iyo Ethiopia.

Sidoo kale, Ku-xigeenka RW dalka Qatar, ahna Wasiirka Arrimaha Dibedda waxa uu Xukuumadda Sudan u gudbiyey Codsi ku aadan sidii ay Qatar Deegaan Maalgelin uga samaysan lahaayeen gudaha Sudan.

RELATED ARTICLES

Ciidamo lagu daadiyay wadooyinka Magalada Berbera & doorasho ka dhaceysa

Waxaa Maanta siweyn loo adkeeyay Amniga guud ee Magaalada Berbera ee Gobolka Togdheer, halkaas oo ay ka dhaceyso Maanta doorashada Guddoomiyaha Magaalada Berbera iyo...

Wararkii ugu dambeeyay ee qaraxa ka dhacay Magaalada Muqdisho

Dhimasho iyo dhaawac ayaa ka dhashay qarax ismiidaamin ah oo Maanta ka dhacay Afaafka hore ee Xerada Tababarka Janeraal Dhegabadan ee Warshaddda Nacnaca oo...

Madaxweynaha Koonfur Galbeed Oo Maanta Dib Ugu Laabtay Magalada Baydhabo

Madaxweynaha dowlad Goboleedka Koonfur Galbeed Cabdicasiis Xasan Maxamed Laftagareen ayaa maanta dib ugu soo laabtay Magaalada Baydhabo ee Xarunta Gobolka Baay kadib safar shaqo...

Facebook Feed

Twitter Feed