Monday, October 25, 2021

Nala Soo Xidhiidh

Idaacadda Wardeeq

Home Sports-ka Sergio Aguero oo ka jawaabay wararka xanta ah ee la xiriirinaya Kooxda...

Sergio Aguero oo ka jawaabay wararka xanta ah ee la xiriirinaya Kooxda Barcelona

Weeraryahanka Kooxda Manchester City ee Sergio Aguero ayaa ka hadlay wararka xanta ah ee sheegaya inuu ku biiri karo naadiga reer Spain ee Barcelona.

Sergio Aguero, kaasoo beeca xorta ah kaga tagi karo kooxda Manchester City dhammaadka xilli ciyaareedkan ayaa waxaa soo baxay warar la xiriirinayey inuu u dhaqaaqi doono Caasimadda Catalan.

Xiddiga kooxda Manchester City ee Sergio Aguero ayaa hoos u dhigay wararka xanta ah ee la xiriirinaya inuu u dhaaqi doono horyaalka La Liga, isla markaana uu ka mid noqon doono naadiga Barcelona.

Aguero ayaa heshiiskiisa haatan waxa uu ku eg yahay dhammaadka xilli ciyaareedkan, waxaana jira in gooldhaliyaha ugu sarreeya Man City uusan weli heshiis cusub u saxiixin kooxda hoggaaminaysa horyaalka Premier League.

Warar xan ah oo soo baxay ayaa sheegayay in Aguero u heshiis horudhac la gaaray Madaxweynaha cusub ee Barca, Joan Laporta si uu garoonka Camp Nou ugala biiro saaxiibkiisa ugu dhow ee Lionel Messi.

Aguero oo ay dhaawacyo hareereeyeen ayaa u dagaalamaya weli inuu dib u helo booska safka koowaad ee kooxda Tababare Pep Guardiola xilli ciyaareedkan, arrintaas ayaana sii xoojisay wararka xanta ah ee la xiriirinaya kooxda reer Spain.

“Waxa ay dhammaan wada qorayaan Barça, Barça, Barça,” ayuu yiri Weeraryahanka reer Argentina ee 32-sano jiraan sida laga soo xigtay Twitch.

“Suga bal wax yar, aan eegno, joog bal, waxaan weli la jiraa Man City.” ayuu hadalkiisa ku daray Aguero.

RELATED ARTICLES

Xukumada Somaliland oo dad horleh kasoo musaafurineysa degaanadeeda

Ciidamada Amaanka Ee Somaliland ayaa Saaka Magaaladda Ceerigaabo ka Bilaabay howlgal looga saarayo Magaalada dadka aan u dhalan Deegaankaasi ee ka soo jeeda Koonfurta...

faah faahin laga helayo Dagaal ka dhacay duleedka Kismaayo

Dagaal  geystay khasaaro kala duwan ayaa waxaa uu ka dhacay Bar-koontorool oo Ciidamo ka tirsan kuwa dowlad Goboleedka Jubbaland ku leeyihin duleedka Magaalada Kismaayo...

Facebook ayaa ku guuldareysatay inay hubiso hadalada nacaybka, wararka been abuurka ah ee Hindiya: Warbixin

Facebook-ga Hindiya wuxuu doorbiday inuu xakameeyo hadallada nacaybka, wararka khaldan iyo qoraallada kiciya-gaar ahaan waxyaabaha ka soo horjeeda Muslimiinta-sida ku cad dukumiintiyada la dusiyey...