Friday, June 18, 2021

Nala Soo Xidhiidh

Idaacadda Wardeeq

Home Warar-ka Taliyihii Ilaalada Guddoomiyaha Gobolka Shabeellaha Dhexe Oo Qarax Lagu Dilay

Taliyihii Ilaalada Guddoomiyaha Gobolka Shabeellaha Dhexe Oo Qarax Lagu Dilay

Qarax xoogan ayaa duhurnimadii Maanta ka dhacay duleedka Bari ee Magaalada Jowhar ee Caasimadda Maamulka Hirshabeelle, kaasi oo lala eegtay gaari Tikniko ah oo ay la socdeen Ciidamo ka tirsan kuwa Hirshabeelle.

Qaraxaas oo ahaa miino nooca dhulka lagu aaso ah ayaa waxaa lala eegtay gaari uu saarnaa Taliyihii Ciidanka Ilaalada Guddoomiyaha Gobolka Shabeellaha Dhexe Axmed Mareyre Makaraan iyo Ciidamo la socday.

Khasaaro isugu jira dhimasho iyo dhaawac ayaa ka dhashay qaraxaas oo soo gaaray Ciidanka lala eegtay, waxaana la xaqiijiyay inuu ku geeriyooday Dhicisoow Maxamed Qeelshe oo ahaa Taliyihii Ciidanka Ilaalada Guddoomiyaha Shabeellaha Dhexe.

Sidoo kale waxaa dhaawacyo kala duwan ay soo gaareen 4 kamid ah Askar la socotay Taliye Dhicisoow Maxamed, kuwaasi oo la geeyay Xarun Caafimaad, waxaana qeyb kamid ah burburay gaariga ay saarnaayeen.

Ilaa iyo hadda Maamulka Hirshabeelle ayaan ka hadlin qaraxaas khasaaraha geystay ee ka dhacay duleedka Bari ee Magaalada Jowhar ee Caasimadda Maamulka Hirshabeelle oo jugtiisa laga maqlay deegaano ku dhow Jowhar.

Qaraxaan ayaa waxaa uu kusoo aadaya, iyada oo Maanta Magaalada Jowhar uu ka dhacay dagaal u dhexeeyay Ciidanka dowladda iyo Kooxda Macwiisleyda, kaasi oo geystay khasaaro kala duwan, waxaana dadka ku dhintay kamid ahaa Sarkaal ka tirsan Madaxtooyada Hirshabeelle, halka mid kalena uu dhaawac soo gaaray.

RELATED ARTICLES

Aqriso;- Shan arrimood oo uu ballan-qaaday Cabdikariim Axmed Mooge – Maayirka cusub ee Hargeysa

Xildhibaanada golaha deegaanka ee degmada Hargeysa ayaa shalay ugu dambeyntii Maayirka caasimada u doortay Cabdikariin Axmed Mooge oo ka tirsan xisbiga mucaaradka Wadani, xilkaas...

Tirada;- Gabdhaha Soomaalida ee lagu la’yahay Nairobi oo korortay iyo wararkii ugu dambeeyay

Xildhibaan Aadan Barre Ducaale ayaa ka hadlay gabdhaha Soomaalida ah ee lagu la’yahay magaalada Nairobi ee dalka Kenya, kuwaasi oo qaarkooda lacag badan oo...

Koox- wadada Maka Al-Mukarama ka billaabay dhac ku cusub Muqdisho

Waxaa maalmihii ugu dambeeyay soo badanayey dhaca dadka shacabka ah loogu geysto magaalada Muqdisho, waxaana labadii berri ee u dambeeyay kusoo korortay dhaca loo...

Facebook Feed

Twitter Feed