Tuesday, January 25, 2022

Nala Soo Xidhiidh

Idaacadda Wardeeq

Home Warar-ka Dunida Ugu yaraan 10 qof oo ka mid ah Qaxootiga Soomaalida ku nool...

Ugu yaraan 10 qof oo ka mid ah Qaxootiga Soomaalida ku nool dalka Uganda ayaa la sheegay inay macluul iyo cuddurka COVID 19 u dhinteen

labadii isbuuc ee la soo dhaafay. Dhacdadaasi ayaa timid, iyagoo aan wax Gargaar ah ka helin Dowladda Uganda, sababo la xiriira Xayiraadda Isku-socodka guud ee dalkaasi.

Ku-xigeenka Guddoomiyaha Jaalliyada Soomaalida ku nool Uganda, Khaalis Maxamed  oo la hadlay Wakaalladda Wararka Turkiga ee Anadolu News Agency ayaa xaqiijiyey in qaar ka mid ah Qaxootiga u dhinteen Macluul, halka kuwo kalena ay u geeriyoodeen Xanuunka Laayaanka ee COVID 19.

Waxa uu intaasi ku daray inaysan awoodin iny gaaraan Qaxootiga Soomaalida ee baahida qaba sababo la xiriira Xayiraadda socdaalka ee COVID19, iyadoo aan la isugu gudbi Karin magaallooyinka dalkaasi.

Boqolaal Qaxooti Soomaali ah ayaa waxay ku kala firirsan  yihiin daafaha caasimadda dalkaasi ee Kampala.

Dhinaca kale, Ku-xigeenka Guddoomiyaha Jaalliyada Soomaalida ku nool Uganda, Khaalis Maxamed waxa kale oo uu tilmaamay inay jiraan Muwaadiniin Soomaali oo Ganacsi ku leh magaalladda Kampala, balse aanan awoodin inay gaaraan dadka Soomaalida ee aadka u nugul ee tabarta daran, sababo la xiriirta Xayiraadda COVID 19 ee saaaran dalkaasi.

Madaxweynaha dalka Uganda, Yoweeri Museveni waxa uu bishii hore ee June 6-dii soo Xayiraad Guud ku soo rogay dalkaasi, kadib, markii uu sare u kacay Cuddur-sidaha Coronavirus.

Wasaaradda Caafimaadka Uganda waxay soo saartay Tiro-koobkii u dambeeyey ee Kiisaska COVID 19, iyadoo  87,277 oo qof laga helay Cuddurkaasi, halka ay 2,104 qof u geeriyoodeen

RELATED ARTICLES

Booliiska London ayaa baaraya xafladaha xiritaanka ee guriga Ra’iisul Wasaaraha Ingiriiska

Adeegga booliiska magaalada London ayaa furay baaritaan ku saabsan suurtagalnimada jebinta xirida COVID-19 ee guriga Ra'iisul Wasaaraha Ingiriiska Boris Johnson's Downing Street ka dib...

Xaakimka New York wuxuu meesha ka saaray amarkii maaskaro COVID ee gobolka

Garsooraha gobolka New York ayaa meesha ka saaray amar u baahnaa xirashada waji-xidhka meelaha dadku isugu yimaado si looga taxadiro COVID-19, isaga oo xukumaya...

Xisbiyada Mucaaradka Somaliland ayaa maalintii shalay madaxwaynaha Somaliland u gudbiyay waraaq.

Xisbiyada Mucaaradka Somaliland ayaa maalintii shalay madaxwaynaha Somaliland u gudbiyay waraaq ay kaga hadlayeen arimo badan oo ay ka mid yihiin Doorshooyinka madaxtooyada iyo...