Monday, October 25, 2021

Nala Soo Xidhiidh

Idaacadda Wardeeq

Home Warar-ka Weerar khasaaro geystay oo ka dhacay Shabeellaha Dhexe

Weerar khasaaro geystay oo ka dhacay Shabeellaha Dhexe

Xubno ka tirsan Ururka Al-Shabaab ayaa waxaa la sheegay inay weerar ku qaadeen Guri ku yaal degmada Raaga-ceelle ee gobalka Shabeellaha dhexe, waxaana weerarkaas ka dhashay khasaaro nafeed iyo mid hantiyadeed.

Warar kasoo baxayay weerarkaas ayaa waxaa ay sheegayeen in Al-Shabaab ay Nolosha ku kaxeysteen Nin ahaa Nabadoonkii degmada oo lagu Magacaabo Axmed Jilcane, hayeeshee War kasoo baxay Al-Shabaab ayaa waxaa lagu sheegay inay dileen Ninkaas, isla markaana uu ahaa Sarkaal ka tirsan Dowladda Soomaaliya.

Warar lagu daabacay Baraha Internetka ee taageera Al-Shabaab ayaa waxaa sidoo kale lagu sheegay in la gubay Laba Gaari oo NOHA ah oo uu lahaa Nabadoon Axmed Jilcane.

Mas’uuliyiinta Maamulka degmada Raaga-ceelle iyo Saraakiisha Ciidamada kama hadlin weerarkaas, waxaana dadka degmada qaarkood ay sheegeen inay cabsi soo wajahday.

Degmada Raaga-ceelle iyo degmooyin kale oo dhowr ah oo ka tirsan Gobolka Shabeellaha Dhexe ayaa waxaa dhowr jeer ka dhacay weeraro ay geysteen Xubno ka tirsan Al-Shabaab iyo howlgallo ay fuliyeen Ciidamada Kumaandoosta DANAB.

RELATED ARTICLES

Xukumada Somaliland oo dad horleh kasoo musaafurineysa degaanadeeda

Ciidamada Amaanka Ee Somaliland ayaa Saaka Magaaladda Ceerigaabo ka Bilaabay howlgal looga saarayo Magaalada dadka aan u dhalan Deegaankaasi ee ka soo jeeda Koonfurta...

faah faahin laga helayo Dagaal ka dhacay duleedka Kismaayo

Dagaal  geystay khasaaro kala duwan ayaa waxaa uu ka dhacay Bar-koontorool oo Ciidamo ka tirsan kuwa dowlad Goboleedka Jubbaland ku leeyihin duleedka Magaalada Kismaayo...

Facebook ayaa ku guuldareysatay inay hubiso hadalada nacaybka, wararka been abuurka ah ee Hindiya: Warbixin

Facebook-ga Hindiya wuxuu doorbiday inuu xakameeyo hadallada nacaybka, wararka khaldan iyo qoraallada kiciya-gaar ahaan waxyaabaha ka soo horjeeda Muslimiinta-sida ku cad dukumiintiyada la dusiyey...