Monday, October 25, 2021

Nala Soo Xidhiidh

Idaacadda Wardeeq

Home Warar-ka Xubin ka tirsanaa Xisbiga Dan Qaran oo Muqdisho lagu dilay

Xubin ka tirsanaa Xisbiga Dan Qaran oo Muqdisho lagu dilay

Kooxo hubeysan ayaa degmada Wadajir ee Gobolkan Banaadir waxaa ay ku dileen Xubin ka tirsanaa Xisbiga Dan Qaran oo uu hoggamiyaha ka yahay Musharax Madaxweyne Daahir Maxamuud Geelle.

Qofka la dilay oo lagu Magacaabi jiray Aweys Cumar Salaad ayaa sidoo kale waxaa uu ka tirsanaa Saraakiisha Ciidamada Asluubta Soomaaliyeed, waxaana lagu dhex-dilay Gurigiisa oo ku yaal degmada Wadajir.

Hoggamiyaha Xisbiga Dan Qaran ahna Musharax Madaxweyne Daahir Maxamed Geelle ayaa uga tacsiyadeeyay qoyska iyo Ehellada uu ka baxay Marxuum Aweys Sheekh Cumar Salaad.

“ Guddoomoyaha Xisbiga Dan Qaran danjire Dahir Mohamud Gelle iyo xubnaha xisbiga waxay murugada la qabsanayaan una tacsiyeynayaan qoyska iyo xubnaha Xisbiga geerida ku timid Allaha u naxariistee marxuum Aweys Sheekh Cumar Salaad oo ka tirsanaa xubnaha xisbiga Dan Qaran ee Muqdisho ayaa lagu yiri” Qoraal kasoo baxay Xisbiga Dan Qaran.

Ilaa iyo hadda majirto cid sheegatay mas’uuliyadda dilka loo geystay Sarkaal ka tirsanaa Ciidamada Asluubta iyo Xisbiga Dan Qaran, hayeeshee dilalka qorsheysan ee gaadmada ah ayaa waxaa inta badan sheegta Ururka Al-Shabaab.

RELATED ARTICLES

Xukumada Somaliland oo dad horleh kasoo musaafurineysa degaanadeeda

Ciidamada Amaanka Ee Somaliland ayaa Saaka Magaaladda Ceerigaabo ka Bilaabay howlgal looga saarayo Magaalada dadka aan u dhalan Deegaankaasi ee ka soo jeeda Koonfurta...

faah faahin laga helayo Dagaal ka dhacay duleedka Kismaayo

Dagaal  geystay khasaaro kala duwan ayaa waxaa uu ka dhacay Bar-koontorool oo Ciidamo ka tirsan kuwa dowlad Goboleedka Jubbaland ku leeyihin duleedka Magaalada Kismaayo...

Facebook ayaa ku guuldareysatay inay hubiso hadalada nacaybka, wararka been abuurka ah ee Hindiya: Warbixin

Facebook-ga Hindiya wuxuu doorbiday inuu xakameeyo hadallada nacaybka, wararka khaldan iyo qoraallada kiciya-gaar ahaan waxyaabaha ka soo horjeeda Muslimiinta-sida ku cad dukumiintiyada la dusiyey...