Monday, October 18, 2021

Nala Soo Xidhiidh

Idaacadda Wardeeq

Home Warar-ka Xuutiyiinta ayaa qirtay in xoogaggoodu ay dab ka kiciyeen xaruntii muhaajiriinta Yemen

Xuutiyiinta ayaa qirtay in xoogaggoodu ay dab ka kiciyeen xaruntii muhaajiriinta Yemen



Falaagada Xuutiyiinta Yemen ayaa qirtay in ciidamadooda ay sababeen dab ay ku dhinteen 45 qof xarun muhaajiriinta horaantii bishaan, iyagoo sheegay in in ka badan toban askari iyo saraakiil ay wajahayaan ciqaab.

Ciidamada amniga ee Xuuthiyiinta ayaa ka jawaabey mudaaharaad ka dhacay xarunta lagu hayo Sanca 7-dii Maarso iyaga oo bilaabay seddex haamood oo sunta dadka ka ilmeysiisa ah iyagoon wax ogolaansho ah ka helin taliskooda, sida lagu sheegay bayaan ay soo saartay wakaaladda wararka ee fallaagada Saba.

UN-ka ayaa qaylo dhaan ka soo saartay xaalada ‘sii xumaanaysa’ ee dagaalada Yemen
Dawladda Yemen ‘si cad uma diidin’ sheegashada Xuutiyiinta ee xayiraadda
Isbaheysiga Sacuudiga ayaa duqeymo cirka ah ka bilaabay caasimada Yemen ee Xuutiyiinta
Mid ka mid ah saddexda [qasacadaha] ayaa ku degay joodariga xumbada, taasoo keentay dab si dhaqso leh ku faafay, ”ayaa lagu yiri.

Bayaanka ayaa lagu sheegay in 11 ka mid ah ciidamada amaanka xabsiga la dhigay, iyadoo ay wehliyaan tiro saraakiil sare ah, isla markaana maxkamad la soo taagi doono.

Falaagada ayaa sheegtay in 45 muhaajiriin iyo qaxooti ah oo badankood Itoobiyaan ah lagu dilay dhacdadaas in kabadan 200 oo dhaawac ah

Xuutiyiinta, oo ku xayiran dagaal lix sano soconaya oo ka dhan ah dowladda Yemen ee caalamku aqoonsan yahay, ayaa usbuucii hore muujiyay “inay aad uga xun yihiin” dhacdadii ka dhacday xarunta lagu qabtay Sanca waxayna ballanqaadeen inay baari doonaan.

Qaramada Midoobay ayaa sidoo kale ku baaqday in baaritaan madax-bannaan lagu sameeyo dabka.

Ergeyga Qaramada Midoobay ee Yemen, Martin Griffiths, ayaa u sheegay Golaha Amniga in “dabkii aan caadiga ahayn, ee aadka u xun” uu adduunka xusuusiyay “dhibaatada bulshada muhaajiriinta ah”.



RELATED ARTICLES

Weerar Xoogan Oo Lagu Qaaday Ciidamo Ka tirsan Puntland

Wararka ka imaanaya Gobolka bari ayaa waxa ay kusoo waramayaan in subaxnimadii hore ee saka weerar culus lala beegsaday Saldhig Ciidamada Puntland ay ku...

Ciidamada Dowladda Oo Howlgalo Qorsheysan Ka Fuliyay Gobolka Gedo

Ciidamada Dowladda gaar ahaana Guutada 10-aad  Ururka 50-aad Ee Ciidanka Xoogga Dalka ayaa waxa la sheegay in saacadihii lasoo dhaafay ay howlgalo balaaran ka...

Dilka Xildhibaan lagu dilay UK oo lala xariiriyay nin kasoo jeedda Soomaaliya

Xildhibaanka muxaafidka ah Sir David Amess ayaa dhintay ka dib markii  la tooriyeeyay xilli uu ku sugnaa  Essex oo laga doortay. Booliska ayaa sheegay in...