Midowga Yurub ayaa cunaqabatayn ku soo rogay madaxda Ruushka iyo xubnaha qoyskooda sidoo kale, saraakiisha maamulka ayaa sheegay kootooda laga saaray nidaamka bangiyada Marayka lana xayayirayo hantidooda Maraykanka.
Maraykanku waxa uu sheegay in uu bartilmaameedsan karo in badan oo ka mid ah bangiyada ugu waaweyn Ruushka cunaqabatayn taas oo ka jari doonta nidaamka maaliyadeed ee adduunka.
Ku dhawaad 351 xubnood oo ka tirsan aqalka hoose ee baarlamaanka Ruushka, Duma, ayaa sidoo kale lagu soo rogay cunaqabatayn.
Ra’iisul Wasaaraha UK Boris Johnson ayaa sidoo kale ku dhawaaqay in cunaqabateyn lagu soo rogay shan banki oo Ruush ah iyo saddex ganacsato Ruush ah. Ra’iisul wasaaraha Jarmalka Olaf Scholz ayaa joojiyay ogolaanshaha dhuumaha gaaska ee Nord Stream 2 ee ka imaanaya Ruushka iyo Jarmalka in la furo balse Germany ma cadayn wali la arki doone
Australia Arbacadii sidoo kale waxay ku biirtay inay cunaqabatayn ku soo rogto shaqsiyaadka Ruushka ah oo ay aaminsan tahay inay mas’uul ka yihiin ficillada waddanka ee ka dhanka ah Ukraine, Ra’iisul Wasaare Scott Morrison ayaa sheegay mar uu warbaahinta la hadlayay.
Maraykanku waxa kale oo uu ganaaxi karaa shirkad kasta oo reer galbeed ah oo u ogalaata hay’ad Ruush ah in ay wax ku iibiso dollarka. Maadaama inta badan shidaalka iyo gaaska dalka lagu iibiyo doolar, tani waxay keeni kartaa saameyn weyn oo dhanka dhaqaalaha ah.
Ruushku ma ka hortagi karaa cunaqabataynta?
Ruushku waxa uu ku guulaystay in uu u adkaysto cunaqabataynta la saaray. Sannadkii 2014-kii, ciidamada Ruushka waxay u dhaqaaqeen Crimea, iyagoo ku daray qayb ka mid ah Ukraine. Tani waxay kicisay cunaqabatayn caalami ah
Maaddaama dhaqaalaha Ruushku uu ku guulaystey in uu u adkaysto xannibaadaha siddeedii sano ee la soo dhaafay, uma badna in Putin uu ku dhaqmi doono wareegtada qaadacaada ee hadda.
Gaar ahaan maadaama aysan cunaqabateyntu aysan ku jirin laba tallaabo oo waaweyn oo sababi kara culeys dhaqaale: helitaanka nidaamka bangiyada caalamiga ah iyo xaddidaadda dhoofinta tamarta Ruushka.
Kaydka caalamiga ah ee dawladda Ruushku waxa ay gaadheen heerarkii ugu badnaa ee bilawgii sanadkan iyada oo in ka badan $630bn ay ka heleen sarifka lacagaha qalaad iyo dahabka.
Wadanku waxa uu sidoo kale hoos u dhigay ku tiirsanaanta deymaha iyo maalgashiga shisheeye waxana uu fursado ganacsi ka raadinayey suuqyada aan reer galbeedka ahayn oo uu Shiinuhu ka mid yahay.
Hogaamiyayaasha reer galbeedka ayaa si cad u sheegay in xitaa cunaqabatayn adag oo dhaqaale xumo u keeni karta Ruushka laga yaabo in lagu dhawaaqo hadii uu jiro gardarro kale.
Laakiin reer galbeedku waa inay ogaadaan in tallaabo kasta oo adag oo ka dhan ah Ruushka ay ku qasbanaan doonaan inay la yimaadaan kharashyo iyo khataro lama huraan ah.
Si kastaba ha ahaatee, wadamada Yurub waxay ku tiirsan yihiin gaaska Ruushka, taas oo macnaheedu yahay cunaqabataynta noocan oo kale ah waxay keeni kartaa hoos u dhaca dhoofinta saliidda iyo gaaska Ruushka.
