Madaxweynaha Somaliland Muuse Biixi Cabdi ayaa lagu wadaa in uu saacadaha soo socda gaaro magaalada Ceerigaabo ee Gobolka Sanaag.
Madaxweyne Muuse Biixi ayaa doonaya in uu wada-hadal la furo hoggaanka dhaqanka iyo siyaasiyiinta Beesha Warsangeli ee degta dhulka ugu ballaaran Gobolka Sanaag.
Wararku waxay sheegayaan in Wada-hadalkaas uu ka dhici doono magaalada Ceerigaabo inkastoo aan weli faahfaahin laga helin qodobada ay si gaar ah uga wada-hadlayaan labada dhinac.
Dhowaan sidoo kale waxaa Ceerigaabo lagu qabtay shir u gaar ah Beesha oo sida la sheegay ay ka qayb-galeen odayaasha dhaqanka iyo siyaasiyiinta qaarkood.
