Muuse Biixi Cabdi, iyo mas’uuliyiin sare oo ka tirsan xukuumaddiisa ayaa xariga ka jaray xabsi weyn oo laga dhisay gobolka Maroodi-Jeex. Dhismaha xabsigan cusub ayaa la sheegay inuu yahay mid casri ah oo lagu talagalay in lagu xoojiyo nidaamka garsoorka iyo amniga Somaliland. Xariga laga jaray xabsigan ayaa qeyb ka ah dadaallada dowladdu ay ugu jirto hagaajinta kaabayaasha amniga iyo bixinta adeegyo tayo leh oo la xiriira cadaaladda iyo nabadgelyada.
Munaasabadda xarig jarka ayaa waxaa ka qeybgalay mas’uuliyiin kala duwan oo ka tirsan xukuumadda iyo saraakiisha amniga, kuwaas oo dhamaantood bogaadiyay hirgelinta mashruucan cusub. Xabsigan ayaa la filayaa inuu yareeyo culeyska lagu hayo xabsiyada kale ee gobolka iyo guud ahaan dalka.
