by 
Ciidamada Israa’iil ayaa labo Falastiiniyiin ah ku dilay koonfurta Qaza ka dib markii ay jareen gargaarkii ay siin jireen marinka Qaza ayna ka laabteen heshiiskii xabad joojinta, iyadoo Xamaas ay ku adkaysanayso in xabad joojinta loo sii gudbo marxalad labaad.
Ergeyga gaarka ah ee Mareykanka Steve Witkoff “wuxuu qorsheynayaa inuu ku laabto gobolka maalmaha soo socda si uu uga shaqeeyo sidii loo kordhin lahaa wejiga koowaad ama loogu gudbi lahaa wajiga labaad”, afhayeen u hadlay wasaaradda arrimaha dibadda ayaa u sheegay wakaaladda wararka ee Reuters.
Laga soo bilaabo Oktoobar 2023 ilaa Janaayo 2025, Benjamin Netanyahu wuxuu ku guuleystey inuu barakiciyo ilaa 1.9 milyan oo falastiiniyiin ah – ku dhawaad dhammaan dadka reer Gaza. Waa inuu ku faanaa. Ra’iisul wasaaraha Israa’iil ayaa hadda ku geli kara buugga Guinness Book of Records oo ah ninkii kelidii barakiciyey dadkii ugu badnaa ee ku sugnaa dhulka ugu yar.
Aniga, naftayda, waxaan ahay mid ka mid ah kuwan 1.9 milyan ah. Laba jeer ayaa la i barakiciyey: waa markii ugu horreysay oo uu bilaabmay dagaalkii xasuuqa iyo haddana sannad ka dib.
Qoysas badan oo falastiiniyiin ah ayaa si isdaba joog ah u barakacay, ilaa 10 jeer ama ka badan.
Waxay ahayd istaraatiijiyad cad oo Netanyahu uu nagu kala qaybiyay. Waqooyi ayaa laga gooyay koonfurta. “Reer Waqooyi” ayaa si qasab ah loogu eryay koonfurta. Kadibna “koonfurta” iyo kuwa kale ee barokacay ayaa lagu qasbay inay u guuraan xarunta.
Ujeeddadiisu way caddahay: in uu beelaha kala googooyo, in uu ina kala kaxeeyo oo uu ina wiiqo, in uu midba midka kale innaga soo jeediyo isaga oo is-diiddan. Laakin xeeladiisa ayaa fashilantay 16-kii bilood ee lasoo dhaafay, wayna fashilmi doontaa mar kale.
