Madaxweynaha Venezuela Nicolas Maduro ayaa maanta oo isniin ah maxkamada magaalada New York u sheegay in aanu waxba galabsan, “Nin wanaagsan” iyo in la “afduubtay”, hadaladisii ugu horeeyay ee fagaare ah tan iyo weerarkii bahalnimada ahaa ee Maraykanku ku qaaday dalkiisa Sabtidii. http://Wardeeqnews.com

Maduro oo isaga iyo xaaskiisa ay ciidamada gaarka ah ee Maraykanku ka kaxeysteen gurigiisa oo ku yaala magaalada Caracas, hawlgal ay si weyn u cambaareeyeen kuna tilmaameen sharci darro sida uu qabo sharciga caalamiga ah, ayaa ka soo hor muuqday maxkamad federaali ah si loo dhegeysto eedaymo loo haysto.

Maduro iyo xaaskiisa, Cilia Flores, ayaa la horkeenay xaakimka degmada Alvin K Hellerstein 12pm (17:00 GMT) Isniintii si ay u socoto dacwad kooban oo bilaabanaysa dagaal dheer oo dhanka sharciga ah oo ku saabsan in ay maxkamad ku wajihi karaan Maraykanka.

Maduro iyo xaaskiisa oo katiinadeysan oo xiran dharka buluugga ah ee xabsiga ayaa waxaa maxkamadda horkeenay saraakiil, waxaana labadooduba ay xirteen sameecado si ay u dhageystaan ​​habka luqadda Ingiriisiga oo loo turjumayo Isbaanishka.

Maduro ayaa diiday dambiga, isagoo u sheegay xaakimka, “Waa la i afduubay, waxaan ahay qof aan dambi lahayn, waana nin hufan, madaxweynaha dalkayga.”

Waddada ka soo gudubta maxkamadda, booliisku waxay kala sooceen koox yar oo mudaaharaadayaal ah oo sii kordheysay iyo ilaa toban qof oo mudaharaadayey faragelinta, oo uu ku jiro hal nin oo calanka Venezuela ka soo jiiday kuwii ka soo horjeeday afduubka Maraykanka.

Hoggaamiyaha garabka bidix, xaaskiisa, wiilkiisa iyo saddex kale ayaa laga yaabaa inay wajahaan xabsi daa’in haddii lagu helo dambiga ah inay la shaqeynayeen kooxaha daroogada si ay ugu fududeeyaan shixnadda kumanaan tan oo kookayn ah oo dalka la soo geliyo. Qaar ka mid ah goobjoogayaasha ayaa sheegaya in aysan jirin wax caddayn ah oo Maduro ku xiraya cartels. Kala soco wararka