Warar kala duwan ayaa ka soo baxaya dagaal shalay ciidamada dowladda federaalka oo ay wehliyaan kuwa deegaanka iyo kooxda al-Shabaab ku dhex maray deegaanka masaajid Cali Gaduud ee gobolka Shabeelaha Dhexe, kaas oo sida ay tabinayaan warbaahinta Muqdisho sababay in ururka Shabaab ay gacanta ku dhigeen xerada ciidamada.
Wararka ayaa sheegaya in weerarka uu ahaa mid culus oo ku bilowday qaraxyo, kadibna uu xigay weerar toos ah ay Al-Shabaab ku qaadeen fariisimaha ciidamada Xoogga dalka Soomaaliya iyo kuwa Macawisleyda ee ku sugan deegaankaasi.
Khasaare dhimasho iyo dhaawac ah ayaa la soo werinayaa waloow wardeeq news-du aanay weli xaqiijin karin.
wardeeq news du waxay xiriirro kala duwan la sameysay dowladdda Soomaaliya balse nooma suuragalin inaan helno.
