Darawaliinta Mootooyinka Bajaajta ee ka howlgala Magaalada Dhuusamareeb ee Caasimadda Maamulka Galmudug ayaa Maanta shaqo joojin sameeyay , iyagoona ka hadlay sababta keentay arrintaas.
Qaar kamid ah Bajaajleyda Dhuusamareeb ayaa waxaa ay sheegeen inay cabasho ka yihiin Maamulka Caasimadda, isla markaana laga qaado lacago xad-dhaaf ah oo aysan awoodin inay bixiyaan Bajaajleyda.
Sidoo kale waxaa ay sheegeen Bajaajleyda in loo diiday inay ka shaqaystaan wixii ka dambeeya saddex saac xiliga habeenka, iyagoona xusay inay arrintaas culeys ku noqotay, looguna sii daray lacago xad-dhaaf oo Canshuur ahaa looga qaadayo.
Bajaajleyda ayaa Maamulka Magaalada Dhuusamareeb ee Caasimadda Maamulka Galmudug ugu baaqay in wax laga qabto cabashadooda oo ku aadan lacagta xad-dhaafka ee Canshuurta ahaa looga qaadayo oo sheegeen in aysan awoodin.
