Ciidamada Kumaandooska Danab ee xoogga dalka Soomaaliyeed ayaa howlgal qorsheysan waxay ka fuliyeen deegaano hoostaga gobolka Shabeellaha dhexe, halkaas oo la sheegay in ay ku sugnaayeen xubno ka tirsan dagaalamayaasha al-shabaab.
Deegaanada ciidamada sida gaarka ah howlgalka ay kaga fuliyeen waxaa ka mid ah Basro Daniga,Baalow, Buulo Xaanshooleey iyo Garas Weyne.
warkasoo baxay warbaahinta dowladda ayaa lagu sheegay in ujeedka howlgalka uu ahaa burburinta Fariisimo ay dagaalamayaasha al-shabaab ku lahaayeen deegaanadaas.
waxaana ay dowladdu sheegtay in deegaanada la weeraray ay Al-Shabaab ayaa ku lahaayeen goobo keyd ah oo ay hubka ku uruursan jireen.
Saraakiisha Ururka 7-aad Guutada 16-aad ee Kumaandooska Danab, ayaa sheegay in howlgalka uu u dhacay sidii loogu talagalay ayna sii socon doonaan inta laga saarayo al-shabaab deegaanada ay kaga suganyihiin gobolada shabeelooyinka
