Al-Shabaab ayaa weerar ku qaaday Ciidamo Kenyan ah oo ku sugnaa tuulada Konton ee hoostagta degaanka Qorof-Xaraar ee Magaalada Wajeer, waxaana halkaasi ka dhacay dagaal geystay khasaaro dhimasho iyo dhaawac ah.
Weerarka oo isugu jiray qarax iyo mid toos ah ayaa Al-Shabaab sheegteen inay ku dileen 30 kamid ah Ciidamada Kenya, kuwaas oo isugu jiray kuwo lagu weeraray tuulada Konton & kuwo gurmad ahaa oo qarax lala beegsaday.
Warar lagu daabacay Baraha Internet-ka ee taageera Al-Shabaab ayaa waxaa lagu sheegay inay la wareegee tuulada Konton ee Magaalada Wajeer, balse aysan jirin dad madax banaan oo xaqiijinaya sheegashada Al-Shabaab.
Saraakiisha Ciidamada Kenya ee Magaalada Wajeer ayaan weli war rasmi ah kasoo saarin weerarkaas iyo sheegashada Al-Shabaab ee ah inay dileen 30 kamid ah Ciidanka Kenya ee ku sugan degaano hoostaga Magaalada Wajeer.
Dhowr jeer ayaa sidaan oo kale Al-Shabaab waxaa ay weeraro toos ah iyo qaraxyo la beegsadeen Saldhigyada Ciidamada Kenya ee (KDF) ku leeyihiin degaano hoostaga Magaalada Wajeer ee Gobolka Waqooyi Bari
Saxafiyad Hana ismaacil
