Ciidanka Xoogga Dalka Soomaliyed gaar ahaan Ururka 95-aad ee Guutada 9-aad qeybta 60-aad fadhigeeduna yahay degmada Waajid ee gobolka Bakool ayaa ka hortagey weerar Khawaariijta kusoo qaadeen degmadaas, kaas oo lagu qabtey muuqaal duubihii al shabaab oo lagu magacaabo Cabdullahi Axmed Maxamed.
Sidoo kale laamaha amaanka ee Waajid ayaa fashiliyey Qaraxyo miino oo maleeshiyaad ka tirsan al shabaab u maleegeen shacabka degmada, Khawaariijta ayaa miino ku aasay agagaarka garoonka diyaaradaha ee Waajid, halka mid kalena ay dhigeen inta u dhaxeysa magaalada iyo garoonka balse dhamaantood Ciidanka ayaa soo bixiyey.
