Warar dheeraad ah ayaa kasoo baxaya Weeraro khasaaro kala duwan geystay oo saacadiihii lasoo dhaafay ka dhacay deegaan ka tirsan gobolka shabeelaha hoose
Weerar koowaad ayaa waxa lagu qaaday saldhig ciidamada Dowladda ay ku leeyihiin degaanka janaale ee gobolka shabeelaha hoose
Waxaana wararku ay sheegayaan in iska hor imaad xoogan oo in muddo ah socday uu halkaasi ka dhacay
Al-Shabaab ayaa guulo ka sheegtay weerarada ka dhacay shabeelaha hoose
Waxaana ay sheegeen in Weeraro saf ah oo isugu jiro dagaallo toos ah iyo kuwa dhabbo-gal ah ay Dagaalyahano ka tirsan siyaabo kala duwan uga fuliyeen deegaanno ka tirsan Sh/hoose kuwaas oo lala beegsaday Ciidamada Dowladda
Al-Shabaab wararka ay dhinaca barahooda intarneetka ku baahiyaan Waxaa ay ku sheegtee in weerar koowaad uu ahaa mid ay ku qaadeen saldhigyada ciidamada dowladda federaalka ay ka samaysteen degmooyinka Jannaale iyo Owdheegle oo ka wada tirsan Sh/hoose. waxaana saldhigyadaas ka dhacay dagaallo culus oo u dhaxeeyay xubno ka tirsan Alshabaab iyo kuwa dowladda federaalka.
Sidoo kale Waxa ay sheegeen in weerar jidgal ah ay la beegsadeen Ciidamo ka tirsan Dowladda oo ku socdaalayay inta u dhaxaysa deegaanka Sabiid iyo degmada Afgooye.
Waxaana ay sheegeen Weerarakaasi ay ku dileen labo askari oo ka tirsanaa Ciidamada Dowladda federaalka islamarkaasna ay qori iyo boosh Ciidamada Dowladdu ay lahaayeen Gacanta ay ku dhigeen sida warka kaso baxay Alshabaab.
Dhankale Saraakiil katisan ciidamada Dowladda ayaa iyaguna dhankooda guulo ka sheegtay dagaaladii ka dhacay shabeelaha hoose
Waxaana ay sheegeen in ay ku dileen 30 xubnood oo ka tirsan dagaalamayaasha Al-Shabaab
