Waxaa Magaalada Baydhabo gaar ahaan hoolka ay ku shiraan Xildhibaannada Koonfur Galbeed ka bilaawday khudbadaha ay musharixiinta Aqalka Sare u jeedinayaan Xildhibaannada, kuwaas oo doonaya inay u codeeyaan.
Munaasabadda khudbad jeedinta iyo doorashada Aqalka Sare ayaa waxaa ku sugan, Xildhibaannada Koonfur Galbeed, Xubno ka tirsan Guddiyada doorashooyinka Heer Federaal iyo xalinta khilaafaadka iyo mas’uuliyiin kale.
Waxaa khudbadaha ugu horeeya fadhiga ka jeediyay musharixiinta kala ah Samsam Ibraahim iyo Shariifo Xaaji, kuwaas oo lagu bilaabay.
Guddiga doorashooyinka Heer dowlad Goboleed ee Koonfur Galbeed ayaa sheegay in Maanta ay soo geba-gabeen doonaan doorashada 5 kamid ah kuraasta Aqalka Sare oo degaan doorashadoodu tahay Koonfur Galbeed.
