Hoggaamiyaha Kuuriyada Waqooyi Kim Jong Un ayaa sheegay in horumarinta hubka dalkiisa uu lama huraan u yahay siyaasadaha ‘cadaawadda leh’ ee ka imanaya Mareykanka iyo dhismaha milateri ee Kuuriyada Koonfureed oo xasillooni -darro ka abuuraya gacanka, warbaahinta dawladda ayaa werisay. Pyongyang waxay kaliya kordhineysay ciidankeeda isdifaacidda iyo inaysan bilaabin dagaal, ayuu Kim ku yiri khudbad uu ka jeediyay Bandhigga Horumarinta Difaaca, sida lagu sheegay warbixin Talaadadii ay soo saartay wakaaladda wararka ee dowladda ee KCNA.
