Warsaxaafadeed ka soo baxay xafiiska Qaramada Midoobay ee Soomaaliya ayaa waxaa looga hadlay heshiiska cusub ee ay shalay magaalada Muqdisho ku gaareen Golaha Wadatashiga Qaran ku waas Oo go’aano kasoo saaray xaaladda dalka iyo midda doorashooyinka.
QM ayaa boggaadisay qodobada ay soo saareen Ra’iisul wasaare Rooble , madaxda maamul goboleedyada dalka iyo guddoomiyaha gobolka Banaadir Cumar Finish, kadib shirkoodii Muqdisho.
Qoraalka kasoo baxay xafiiska Qaramada Midoobay ee Soomaaliya ayaa sidoo kale lagu sheegay inay muhiim tahay in la helo natiijo la’ aamini karo, marka la gaaro waqtiga cusub ee la qabtay si loogu soo gabagabeeyo doorashada xubnaha Golaha Shacabka Soomaaliya.
“Qaramada Midoobay waxay aaaminsan tahay in mudnaanta hadda la leeyahay ay tahay fulinta go’aamadan, si loo gaaro natiijo la aamini karo waqtiga cusub ee la qabtay,” ayaa yiri qoraalka kooban ee ka soo baxay xafiiska Qaramada Midoobay ee Soomaaliya.
Sidoo kale QM ayaa ugu baaqday madax goboleedyada inay diiradda saaraan hufnaanta doorashada, si ay u noqoto mid lagu kalsoon-yahay.
Waxa kale oo ay Qaramada Midoobay shaaca ka qaaday in loo baahan yahay in hoggaamiyeyaasha Soomaalida ay sii wadaan wada-shaqeyntooda, isla-markaana ay ka fogaadaan wax kasta oo keenaya khilaaf hor leh ama uga sii dari kara xiisadda taagan.
War saxaafadeedkan ka soo baxay QM Ayaa Ku Soo Aadayso Ka Dib MuraN Soo Kala dhex Galay Madaxda Ugu Saraysa Dalka, iyada oo shalay Muqdisho lagu soo xiray shirkii Golaha Wadatashiga Qaran oo lagu go’aamiyey in doorashada lagu soo gabagabeeyo muddo 40 cisho gudahood ah.
Si kastaba Ha Ahaatee, Soomaaliya ayaa ku daahday xaaladda kala guurka ah ee ka dhalatay muranka doorashooyinka oo muddo sanad ah dib uga dhacay waqtigii loo qorsheeyey in la qabto Dooradho Lagu Kalsoon Yahay.
