Sarkaal sare oo ka tirsan aqalka Kremlin-ka ayaa sheegay khamiistii in Russia duruufo gaar ah lagu qasbi karo inay difaacdo muwaadiniinteeda ku sugan bariga Ukraine iyo in dagaalada milatari ee waaweyn ay astaan u noqon karaan bilowga dhamaadka Ukraine wadan ahaan, wakaalada wararka ee TASS ayaa werisay
Wadamada reer galbeedka ayaa ku baaqay is xakameyn kadib markii Ukraine ay qeylo dhaan ka muujisay dhisida ciidamada Ruushka meel u dhow xadka Ukraine iyo Ruushka. Rabshado ayaa ka kacay safka xiriirka ee u dhexeeya ciidamada dowladda iyo kuwa gooni u goosadka ah ee ku sugan gobolka Donbass ee bariga Ukraine
“… Waxaan taageersanahay qiimeynta … bilowga talaabada militari – tani waxay noqon laheyd bilowga dhamaadka Ukraine,” waxaa laga soo xigtay ku xigeenka madaxa maamulka madaxweynaha Ruushka, Dmitry Kozak.
Kozak ayaa la weydiiyay hadii Ruushku ilaalin doono muwaadiniintiisa bariga Ukraine.
Isaga oo tixraacaya jawaabtiisa Srebrenica, halkaas oo ilaa 8,000 oo rag iyo wiilal muslimiin ah ay dileen ciidamadii Serbiyaanka ee Bosnia intii lagu guda jiray dagaalkii Bosnia ee 1992-1995, wuxuu yidhi: “Wax walba waxay kuxiranyihiin baaxada dabka. Haddii ay jiraan, sida uu madaxweynaheenu yidhi, Srebrenica, sida muuqata waa inaanu guda galnaa si aan u difaacno (iyaga).
Intii lagu guda jiray khadka taleefanka ee aan wada hadalnay ra’iisul wasaaraha Jarmalka Angela Merkel khamiistii, madaxweyne Vladimir Putin wuxuu ku eedeeyay Kyiv ficil daandaansi ah oo ka socda bariga Ukraine taas oo uu sheegay inay sii hurineyso xaalada halkaas.
Warbixinta waxaa qoray Andrey Ostroukh, Anton Zverev; qorista Tom Balmforth; Editing by Toby Chopra iyo Timothy Heritage
