Wararka ka imaanaya gobolka Sh/hoose ayaa sheegaya in xalay markale dagaal culus uu ka dhacay deegaano ka tirsan gobolka shabeelaha hoose
Dagaalka ayaa waxa uu yimid kadib markii xubno Katirsan dagaalamasha Al-Shabaab ay weerar xoogaan la sheegay in ay ku qaadeen saldhig Ciidamada Dowladda ay ku lahaayeen deegaanka janaale ee gobolka shabeelaha hoose
Ilo deegaanka ayaa waxaa ay sheegeen in ay maqlayeen jugta culus iyo dhawaqa rasaasta ay isweydaarsanayeen labada dhinac balse aysan xaqiijin karin qasaaraha dagaalkaani
Al-Shabaab oo warkasoo saaray weerar xalay waxa ay sheegeen in Ciidamo hubaysan oo katirsan Al Shabaab ay weerar culus ku qaadeen saldhig ay Ciidamada Dowladdu ku lahaayeen deegaanka Janaale, gaar ahaana hareeraha Buundada Janaale.
Al-Shabaab si cad uma aysan sheegin qasaaraha rasmiga ah ee ka dhashay dagaalkaan Walow ay xuseen in qasaaro uu jiro
