Guddoomiyaha Golaha Aqalka Sare Cabdi Xaashi Cabdillaahi oo ay wehlinayaan qaar ka mid ah Xidhibaanada ka soo jeeda Gobolada Waqooyi ayaa kulamo looga hadlayobArrimaha doorashooyinka waxaa ay ka wadaan Magaalada Muqdisho.
Mas’uuliyiintaan ayaa waxaa ay Maanta kulan la qaateen musharax Madaxweyne Cabdikariin Xuseen Guuleed, iyaga oo ka wada hadlay xaalada guud ee dalka uu marayo gaar ahaan arrimaha doorashooyinka iyo ka mira dhalinta Shirka wadatashiga ee ka socda Muqdisho.
Guddoomiyaha Aqalka Sare Cabdi Xaashi iyo Xubno la socda ayaa maalmihii la soo dhaafay waxaa ay wadeen kulamo ku saabsan sidii loo dhameyn lahaa khilaafka u dhaxeeya siyaasiyiinta Gobolada Waqooyi ee ku sugan Magaalada Muqdisho.
Shalay waxaa Magaalada Muqdisho kulan ku yeeshay Ra’iisul Wasaaraha Xukuumadda xilgaarsiinta Maxamed Xuseen Rooble iyo Guddoomiyaha Aqalka Sare, iyada oo Xafiiska Ra’iisul Wasaaraha uu shaaciyay in kulankaas uu isfaham lagu gaaray.
