Wararka laga helayo degmada Cabudwaaq ee Waqooyiga Gobolka Galgaduud ayaa waxaa ay shegayaan in Maanta halkaasi lagu dilay Nin Shacab ahaa kana mid ahaa dadka Caanka ka ah degmadaas.
Dilka Ninkaas ayaa goobjoogayaal sheegeen in uu ka dambeeyay Nin kale oo ay wada murmeen kadib markii uu soo kala dhex galay khilaaf xoogan, isla markaana dhowr xabadood uu ku dhuftay.
Wararka ayaa waxaa ay intaasi ku darayaan in Ciidamada Booliska degmada Cabudwaaq howlgal ay sameeyeen kadib ay suurto gashay inay gacanta ku dhigaan Ninkii dilkaasi ka dambeeyay, kaas oo lagu xiray Saldhiga Booliska Cabudwaaq.
Degmada Cabudwaaq ee Gobolka Galgaduud ayaa waxaa ay kamid tahay degmooyinka ugu amniga wanaagsan degaannada Galmudug, balse mararka qaar waxaa ka dhaca dilal aanooyin qabiil la xiriira.
