Qarax ismiidaamin ah oo loo adeegsaday baabuur walxaha qarxa laga soo buuxiyay ayaa lagu dilay ugu yaraan siddeed qof oo ku sugnaa bar-koontarool oo ciidamada ammaanku ku leeyihiin agagaarka madaxtooyada Soomaaliya, weerarkaas oo ay sheegatay kooxda xiriirka la leh Al-Qaacida ee Al-shabaab. Isbaarada ayaa ku dhacda waddada gasha garoonka diyaaradaha ee Muqdisho, oo ay isticmaalaan madaxweynaha iyo ra’iisul wasaaraha Soomaaliya.
